-->
U3F1ZWV6ZTEwOTc2NjM5NDkwX0FjdGl2YXRpb24xMjQzNTAxODM2NjQ=
recent
أخبار ساخنة

عوامل اساسية تتسبب فى مشاكل بطئ الشحن و تلف البطارية

عوامل اساسية تتسبب فى مشاكل بطئ الشحن و تلف البطارية



بسم الله الرحمن الرحيم

كلنا بنعانى من مشاكل الشحن على الموبايلات بتاعتنا و مش هتلاقى واحد معاه موبايل و مبيشتكيش من الشحن
او من البطارية او اى حاجة و اوقات كتير تبقى لسه شايل الموبايل من ع الشاحن و 5 دقايق تلاقى الموبايل
بقى 90% او حاجة تانية انك ممكن تشحن الموبايل و تلاقيه بيطول اوى فى الشحن يعنى مثلا الوقت الطبيعى بتاع
 اى موبايل انه يشحن البطارية من ساعه و نص لساعتين ده لو من 0% ل 100% طيب تلاقى موبايلات بتقعد
 بال3 ساعات و اكتر تشحن طب فكرت فى مره تعرف ايه السبب و لا عادى بتقول اهم حاجة انه بيشحن ع العموم
انا هحاول انصحك بطئ الشاحن او تسريب الشحن من البطارية بسرعه اكبر دول ليهم عوامل اساسية

اول حاجة هنتكلم عنها هى بطئ الشاحن ليه الشحن بيبقى بطئ و ليه الموبايل بياخد فترة طويلة اوى فى الشحن

علشان تتجنب ماشكل الشحن يبقى لازم تاخد بالك من حاجتين اساسين اول حاجة الشاحن اللى بتشحن بيه الموبايل
 لازم يكون الاصلى بتاعه يعنى مش حضرتك تروح تجيب اى شاحن ب 10 جنيه و تقول اهو هيقدى الغرض و يشحن
 انا معاك هو بيشحن بس الشاحن الاصلى طبعا بيتميز بالجودة بتاعته و غير ان بيبقى فيه مميزات اكتر يعنى حضرتك
 ممكن تسيب الشاحن فى الفيشة اللى فى الحيطة و تخرج او تنام و تسيبها يوم و اتنين و تلاته و كل اما تعوز تشحن
 توصل الموبايل يشحن و تروح شايل الموبايل و سايب الشاحن فى الحيطة و تلاقى الشاحن مستحمل معاك عادى ده
 علشان اصلى يعنى تمنه فيه لكن حضرتك لو جبت شاحن عادى حضرتك لو سبته يوم و اتنين و تلاته هتلاقيه ضرب
 او ممكن يولع او ممكن اى سى الشحن يضرب و حضرتك توصل الموبايل بالشاحن يديله 220 علطول كده
الموبايل كمان هيفرقع مش الشحن بس

يبقى او عامل ليه اساسى هو انك تستخدم شاحن اصلى مش مضروب و لو شحنت مره بشاحن مضروب متعملهاش تانى

تانى حاجة تسريب شحن البطارية انت ممكن تشيل الموبايل من ع الشاحن و تلاقى البطارية بتقل بسرعه و اوقات
 تانية تشحن بشاحن تانى تلاقيها بتقل عادى ده عمتا بيحصل لما تشحن الموبايل مش شاحن الكمبيوتر او اللاب توب
 من الوصلة اليو اس بى بتاعت الجهاز و الشاحن العادى معروف طبعا ان خرج اللاب توب ضعيف فا بالتالى مش
 هيشحن البطارية الخاصة بالموبايل بتاعك بسرعه مع العكس لما تفضى هتلاقيها بتفضى بسرعه جدا او بردو لو
 استخدمت شاحن مش اصلى لأن البطارية عبارة عن خلايا بيتخزن فيها الكهربا اذا الخلايا دى مش بتتشحن بالشكل
 المناسب فا بالتالى بتخلص علطول

ثالث حاجة تستخدم وصلة يو اس بى اصلية و متجبش وصلة يو اس بى طويلة تشحن بيها الموبايل علشان كل
 ما تطول كل ما نسبة الكهرباء بتتفقد مع الطول

اخر حاجة بقى و دى اكبر حاجة ممكن تجيب اجل البطارية لو فضلت تستخدمها كتير جدا هى انك تستخدم الموبايل
 و هو بيشحن ده اكبر غلط و دى بقى من اكبر العوامل الاساسية فى الللى ممكن تموتلك البطارية خلال
وقت صغير جدا و علشان تتجنب ده متستعملش موبايلك و هو بيشحن

و اخر سبب معانا فى الموضوع هو انك متسيبش الموبايل بيشحن و تنام حاول تسيبه المده المعينه اللى بيشحن بيها
و اول ما يوصل 100% شيل الشاحن منه و متفضلش سايبه يشحن لأن ده سبب من الاسباب اللى بيبوظ خلايا البطارية

ليست هناك تعليقات
إرسال تعليق

إرسال تعليق

تذكر قوله تعالى
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ )) ‏

الان يمكنك اضافة اي مقطع فيديو الى التعليقات وايضا اضافة الصور فقط ضع رابط الصور او مقطع الفيديو في التعليقات

آرائكم تسعدنا، لمتابعة التعليق حتى نرد عليك فقط ضع إشارة على إعلامي

الاسمبريد إلكترونيرسالة

تم اكتشاف مانع الأعلانات

من فضلك قم بتعطيل أداة مانع الأعلانات أدبلوك AdBlock من المتصفح للدخول لمدونة أردرويد أو يمكنك أستخدم متصفح أخر وشكرا لك :)

مدونة أردرويد تعتمد فقط على الأعلانات كمصدر لدخلها و هى لا تحتوى على اعلانات منبثقة او مزعجة لذلك نرجو منك تفهم الأمر بدون أنزعاج وشكرا لك :)

×