معلومات عن فيروس الاوتورن Autorun :-
اخواتى و احبائى فى الله متابعين مدونة أردرويد الكرام فى هذا الموضوع سوف نتكلم عن واحد من اشهر الفيروسات على الانترنت و هو فيروس الاوتورن Autorun يعتبر هذا الفيروس مشهور تماما حول العالم و يعتبر هذا الفيروس هو سريع التنقل بدرجة عالية جدا قد يصل إلى نسخ نفسة 1000 مره فى اقل من 10 ثوانى اذا فى هذا الموضوع سوف نوضح إليكم كل ما تود معرفته حول فيروس الاوتورن Autorun على الحاسوب و كيف تكتشف اذا كان جهازك مصاب به ام لأ ..
بسم الله الرحمن الرحيم
واحد من أشنع الفيروسات اللي ممكن تكون موجودة علي فلاشة حضرتك أو الكمبيوتر دلوقتي ومش عارف عنه حاجة هوا فيروس الـAutorun فيروس كدا من كتر ما هوا رخم يخليك تتمني يجيلك دور بَرد ولا إن الفيروس دا ييجي لفلاشتك أو يقرَب من الكمبيوتر الفيروس اللذيذ دا بمجرد ما يتنقل لك من كمبيوتر صاحبك -مثلاً- بيمرح بين ملفاتك بكل حرية من غير ما أي حد يعترض طريقُه. إيه الأوتورَن دا؟ بيشتغل إزاي؟ وإزاي تخلص منه؟ كل الأسئلة دي هتعرف إجاباتها بعد ما تضغط علي (متابعة القراءة) اللي جاية دي، وتنزل علي الفقرة الجاية دي
يمكنك قراءة ايضا مواضيع مهمة اخرى
كيف تقوم بتأمين حساب الفيس بوك
كا ما تود معرفة حول HDR
كل ما تود معرفته حول معالج Intel Core i9
شرح تفصيلى حول الفرق بين 32 Bit و 64 Bit و معالجة بيانات CPU
ما هو فيروس الاوتورن Autorun ؟
الأوتورَن دا يا سيدي -وبأختصار شديد- نوع من الفيروسات الرخمة؛ ودا لأنه بيكتب بينسخ نفسُه علي أي فلاشة بيتواجد عليها، ولمّا الفلاشة المتصابة دي تتوصل بالكمبيوتر ويتم فتح أي ملف جواها بينقل نفسه برضو للكمبيوتر دا ويقعد ينسخ في نفسه وينتشر في كل بارتيشن ويبني مملكة ليه ويعيّن نفسُه مَلك للمملكة دي والنوع دا من الفيروسات خطير زَيُه زَي أي فيروس بيحترم نفسه -لو كان فيه فيروسات بتحترم نفسها وفيروسات مبتحترمش نفسها -؛ لأن البرنس دا ممكن يعمل أي حاجة في جهازك بدايةً من أنه يتجسس عليك، وأنتهاءً بأنُه يدمَر ملفاتك. والفيروس دا يعتبر من أقوي الفيروسات اللي ممكن تنتقل عن طريق الفلاشة أو كارت الميموري.
كيف يعمل فيروس الاوتورن Autorun ؟
الفيروس الجميل دا بيكون موجود في ملف بأسم (autorun.inf)، والفيروس دا بيستسخدم ميزة موجودة أساساً في جهازك أسمها الـAutoPlay، ودي المسئولة عن أنها بتظهر لك نافذة --هتلاقي صورتها في التعليقات-- لما توصل أي فلاشة علي جهازك وتخليك تختار تفتح إيه في الفلاشة؟ الملفات؟ ولا الصوتيات؟ ولا الصور الموجودة علي الفلاشة دي؟
لو كان فيه فيروس Autorunn موجود جوا فلاشة فـ كُل ما هتتوصل الفلاشة دي بجهازك وتضغط كلكين عليها -كل ما تدوس Double Click يعني - الفيروس الجميل دا هينتشر عندك ويبدأ يعمل نُسَخ كتير من الملفات ويقرفك خالص.
ما هى اضرار فيروس الاوتورن Autorun ؟
الفيروس الجميل دا ممكن بكل بساطة وهوا موجود علي جهازك ممكن يتصل بموقع سري ويثبت حاجة أسمها الـkey logger، والـkey logger دا يا سيدي عبارة عن برنامج لطيف خفيف بيشتغل بسرية تامة، البرنامج دا بيسجل كل حرف بتدوسه علي الكيبورد في ملف ويبعته تاني للموقع.. يعني إيه؟ يعني الـkey loggerr دا ممكن بكلللللل سهولة يسرق كل وأي حساب ليك بتسجل دخول ليه عن طريق جهازك، يسرق بيانات أي كريديت كارد، أي حرف بتكتبه علي الكبيورد الـkey logger دا بيسجلُه ويبعته للبرنس اللي قاعد مستنيه إزاي بقي تشيل الـAutorun دا وتخلص منه؟ *أفرح يا سيدي! آخر فقرة بقي في البوست وكدا :D* إزالة الفيروس دا ليه طريقتين: الأولي بالـCMD، والتانية ببرنامج.
- كيفية حذف فيروس الاوتورن Autorun عن طريق Command Prompt:
1- من قائمة Start أفتح -أو أبحث عن- CMD، ودوس عليها كليك يمين وأختار Run as administrator علشان تضمن إن الكود اللي هتكتبه هيتطبق، وهتظهر لك رسالة دوس علي Yes.
2- بعد كدا نافذة الـCMD السوداء هتتفتح لك، لو الفلاشة بتاعتك واخدة حرف زي الـ(HH)، هتكتبه في حالتنا هنختار الـ(G)..
فـ تكتب الحَرف دا: "G:" في الـCMD وبعدين أضغط إنتر Enter.
3- بعدين أكتب الكود اللي بين علامتين التنصيص دا: "attrib -h -s -r -a *.*" وأضغط إنتر.
4- بعدين أنسخ الكود دا: "del autorun.inff" وألصقه هناك، وأضغط إنتر. وبكدا المفروض إن الفيروس هيكون أتحذف.
- حذف فيروس الاوتورن Autorun ببرنامج Autorun Removal Tool :
11- بعد ما تحمل البرنامج أفتح البرنامج وسطَبُه عن طريق إنك تدوس علي البرنامج تفتحه..هتجيلك رسالة دوس لها Yes.
2- دوس علي Next، وبعدين من الشاشة اللي هتيجي بعدها أختار i accept the agreementt وبعدين Next
بعدها دوس Next، بعدها كمان Next برضو بعد كل دول دوس علي Installl، وآخر حاجة هيا الـFinish.
3- بعد ما تدوس Finish البرنامج هيفتح، هتلاقي زرار أسمه Start... شاااطر.. دوس عليه
كدا البرنامج هيعمل فحص لكل الجهاز وأي حاجة متوصلة بيه زي الفلاشات وغيره. لو ظهرت لك رسالة بتقول لك: Recovering data in usb driverr سيبك منها خالص ودوس Cancel وريح دماغك :"D
* جدير بالذكر إن البرنامج دا الشركة بتاعته بتقول إن ليهم خبرة حوالة 66 سنين في مجال التعامل مع الفيروسات
دا بالإضافة لإن البرنامج مش بينضف لك الفيروسات اللي عندك وبس، لكنه بيحميك من أي هجوم
ممكن يتعرض له جهازك من أي USB كانت ودا لأنه فيه حماية تلقائية بتبقي شغالة علشان كدا
وإن أنتا بتتمكن من إنك تخلص الحوار كله في مدة لا تتعدي الـ3 دقائق.
بعد كام دقيقة هتلاقي البرنامج خلّص اللي كان بيعمله وهيجيب لك نتيجة الفحص في البارتيشنات اللي
عمل لها فحص اللي تلاقي جنبه كلمة (no threat found) يبقي كدا البارتيشن دا
نضيف وملقاش فيه حاجة.. وبس كدا يا سيدي متنساش تعمل لايك للمنشور، وتعمل مينشن لصاحبك في الشغل اللي بينقل لك الفيروسات أو صاحبك اللي بيقوم بالواجب وبينقل الفيروسات للدفعة كلها
إرسال تعليق
تذكر قوله تعالى
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ ))
الان يمكنك اضافة اي مقطع فيديو الى التعليقات وايضا اضافة الصور فقط ضع رابط الصور او مقطع الفيديو في التعليقات
آرائكم تسعدنا، لمتابعة التعليق حتى نرد عليك فقط ضع إشارة على إعلامي