موضوع شامل حول الـVPN

- 2:30 م





السلام عليكم و رحمه الله و بركاته 

اخواتى و احبائى فى الله متابعين مدونة أردرويد 


هنبدأ فى الأول بمعنى مصطلح “VPN”

لفظ VPN كما أجمع علماء اللغة هو اختصار لـ3 كلمات هما Virtual Private Network
 أو بمعنى تانى.. "الشبكة الافتراضية الآمنة".. علشان اللى متعلم فى مدارس من ام بلاش زى حالاتنا كدة :

مبدئيا كدة خلينا نتكلم عن "ما هو الـVPN ؟! " 

باختصار و من غير كتر كلام الـVPNN دا بروتوكول (نظام) لنقل البيانات الخاصة و السرية فى الشبكات العامة
 (اللى هو الإنترنت)

ازاى يعنى  بص يا سيدى.. البيانات بالغة السرية زي بيانات دخولك لحسابك البنكي أو استخدام كروت الفيزا
أو حتى تسجيل دخولك على الفيس بتمر بكذا نقطة ممكن تتعرض فيهم للاختراق
(زي الـDNS Server مثلا أو سيرفرات الميكروتيك)
اللى بيمنع سرقة بياناتك دى و تحويلها لبنوك سويسرا  هو استخدام الحاجات دى كلها لنظام الـVPN 
واحد يقولى شفت انت لكاك و رغاى ازاى ؟!
قاعد ترغى فى كلام فاضى و لسة مقلتليش الـVPN دا بيبيع إيه  (صاحي يبيع لبن الساعة 9 بليل 
علشان منزل البوست الساعة 9 بليل وكدا :"D-)

بص يا باشا.. الـVPN دا معناه نقل البيانات بطريقة مشفرة بحيث إن سرقتها تبقى شِبه مستحيلة..

 عارف انت الكهربا لما بينقلوها مسافات بعيدة فى كابلات الضغط العالى فى صورة غير اللى انت بتستخدمها فى بيتك
 و بعدين لما توصل محول الكهربا اللى انت بتاخد منه يديهالك كهربا تشغل أجهزتك ؟!
 (علشان ميجيش واحد ناصح يسرق الكهربا )

أهو دا بنفس النظام بالظبط (مع اختلاف سبب التشفير طبعاً)

طيب.. النبذة التاريخية اللى بنبدأ بيها كل بوست.. و اللى اتأخرت عنا شوية  هى إن الـVPN دا بيستخدم
فى حاجات كتيييييييرة جداً، و من زمان (مش اختراع جديد يعنى ) لك أن تتخيل انه موجود من أيام الإنترنت
 اللى على سلك التليفون (من أيام زيرو تلات سبعات خمستلاف  لاء والحلو في الحوار انك قريتها بالنغمة )

لكن فى الفترة دى كان البروتوكول دا بيستخدم فى الشركات الكبيرة و البنوك و ماكينات الـATM
علشان يحافظ على سرية البيانات اللى بتتنقل بين الأجهزة و يقلل فرص اختراقها، دلوقتى زي ما قولت..
فوق شوية من كام سطر كدا.. ان الـVPN بيستخدم دلوقتى فى نقل كل حاجة تقريباً
واحد يسألنى... طيب يا مفتح يا أذكى اخواتك.. هستخدم انا الكلام الكبير دا ازاى على المستوى الشخصي ؟! 

هقدر اخلي محدش يسمعني وانا بكلم البت حنان في الطلافون بليل مثلاً هقولك يابو لسان طويل
 ان سرية و تشفير الـVPN بتسمح لك إنك تغير أي حاجة من البيانات اللى بتبعتها للسيرفر اللى
بيقدم لك الخدمة أيا كانت الخدمة و أيا كانت البيانات دى

مثال على كدة انك ممكن تستخدم أي تطبيق VPNN موجود على البلاي ستور علشان تبعت بيانات مكانك بمكان
 غير اللى انت فيه أصلاً لأي تطبيق خرايط، و دا بيتم عن طريق منع السيرفر اللى انت شابك معاه من الوصول لمكانك..
 فبيضطر يسأل.. أمال حضرتك فين لا مؤاخذة ؟! (تقوم جنابك رادد عليه والله انا اتزنقت
 فَـ روحت الكابانية العام فَـ أفغانستان :""D )

 فالأبلكيشن دا بيرد بالنيابة عنك و بيبعت إحداثيات و بيانات الموقع بتوعك فى مكان تانى خالص غير اللى انت فيه
 و ممكن ميديش بيانات عن مكانك أصلا، فيقوم السيرفر دا يعتبرك داخل من مكان Default بالنسبة له
 (اللى هو أكيد مش المكان اللى انت قاعد فيه) و بالتالي بتحافظ على سرية مكانك
 (علشان لو واحد هاكر قد الدنيا كدا مش عاوز يتعرف مكانه ميتفضحش بالساهل 

الاستفادة من الموضوع دا حاليا هو إن الناس بيفتحوا الماركت الأمريكي باستخدام الأبلكيشنز دى
واللي احنا المفروض نعمله لو شركات الإتصالات في مصر هنا منعت الـvoip
هو حاجة من 2 ملهمش تالت (مش 2 اوي يعني! )
1- نجرب موضوع الـVPN دا و ولا كأن في حاجة وتقدر تكلم خالك اللي في أسبانيا منغير ولا مليم 
2- نطالب يإقالة وزير الاتصالات  
أتمنى تكونوا استفدتوا من الكلام المكعبر دا و أتمنى أي حد مش فاهم حاجة يكتب استفساره فى تعليق.. 

لا تبخل بوضع تعليقك و منشاقشتنا اذا وجدت مشكلة نحن نتمنى رضاء الزائر

 

ابدأ الكتابة ثم اضغط انتر للبحث

تم إكتشاف مانع الإعلانات

من فضلك قم بتعطيل أداة مانع الأعلانات أدبلوك AdBlock من المتصفح لدخول مدونة اردرويد ، أو أستخدم متصفح أخر وشكرا لك

مدونة اردرويد تعتمد فقط على الأعلانات كمصدر لدخلها لذلك نرجو منك تفهم الأمر بدون أنزعاج وشكرا لك

×