لماذا لا يمكنا تجاوز 140 حرف على منصة تويتر الرسمية ؟
أعتقد إنك كمُتابِع لـمدونة أردرويد المفروض إنك مهتم بالتكنولوجيا و كدة، و أعتقد إن كل واحد جَرَّب يستخدم موقع Twitter مرة واحدة على الأقل، و من أشهر الحاجات اللى Twitter مشهور بيها إن عدد الـCharacters (أو الرموز)
المسموح بيها فى الـTweet الواحدة هو 140 رَمز أو أقل، سواء كانت الرموز دى حروف أو أرقام أو
رموز خاصة زي "@" و "#" و غيرها...
المسموح بيها فى الـTweet الواحدة هو 140 رَمز أو أقل، سواء كانت الرموز دى حروف أو أرقام أو
رموز خاصة زي "@" و "#" و غيرها...
طبعًا لما تعرف إن الكام سطر اللى فاتوا دول فيهم 240 حرف تقريبًا هتعرف ليه مابستخدمش Twitter كتير بشكل شخصي،
بس إيش معنى 140 رمز؟!
بس إيش معنى 140 رمز؟!
طيب قبل ما نتبدى فى الموضوع نتعرف على شوية معلومات عامة اخرى على مدونتنا
- كل ما تود معرفته حول كاميرات الرؤية الليلية !!
- ما هو السر وراء كروت الشحن و ازاى مبنعرفش نخمنها
- كيف تم تطوير نظام إرسال الرسائل منذ الحمام الزاجل حتى الواتس اب !!
- لماذا لا يتم تطوير انظمة تشغيل جديدة للهواتف الذكية ؟
- ما هو الفرق بين شاشات 1080i و شاشات 1080p
موقع (أو خلينا نقول "خِدمة") Twitter بدأت سنة 2006، و كان عبارة عن خدمة تابعة لشركة اسمها Odeo، و كان فكرته إنه بينقل رسائل SMS بين مجموعة معينة من الأشخاص، و كانت الميزة الكُبرى فيه إنه ممكن تستخدمه من أي موبايل، و تكتب رسائل قصيرة عن طريق رسائل الـSMS، حتى كان اسمه أيامها TWTTR، و الـ"رسالة" مكانش اسمها Tweet ولا الكلام دا كله!
و زي ما انت عارف، بما إن Twitter كان خدمة بتعتمد على رسائل الـSMS، فهو مُقَيَّد بعدد الرموز اللى بتسمح بيها رسائل الـSMS (اللى هو 160 رمز)، لكن اللى عملوا Twitter اتفقوا إنهم يخلوا عدد رموز الرسالة 140 رمز بس، و الـ20 رمز الباقيين يسيبوهم علشان اسم المستخدم صاحب الرسالة (أو الـTweet فيما بَعد)...
سنة 2007 انفصل مشروع TWTTR عن شركة Odeo، و اتغير اسم الموقع من TWTTR لـTwitter، و اشتروا دومين Twitter.com من موقع مهتم بتربية الطيور و بقى الدومين الرسمي بتاعهم، و اخترعوا لفظ "Tweet" كتعبير عن الرسائل القصيرة اللى بيبعتها الناس للموقع و عملوا شوية حبشتكنات كدة و تظبيط للموقع علشان يبقى أسرع و أفضل من حيث واجهة المستخدم، و فى نفس السنة برضو اخترعوا الـHashtags (الهاشتاج) كرمز للتضامن مع أفكار أو أشخاص معينين، و باقى المواقع لَطَشت الحكاية دى منهم و كأنهم هم اللى عاملينها
(الـHashtag اللى هو رمز # و تلزق فيه كلمة دا )
سنة 2008، وكالة NASA للفضاء استخدمت الموقع لأول مرة علشان يعلنوا عن اكتشافهم مياه و تَلج على المريخ، و من هنا اتغير الهدف من Twitter من كونه خدمة لتبادل الرسائل القصيرة، لخدمة للإعلان عن الأحداث و التصريحات المُقتَضَبَة بتاعة المشاهير و كدة
حاجات كتير اتغيرت فى تويتر من 2006 لغاية دلوقتى، لكن اللى ماتغيرش لغاية وقتنا هذا هو حدود الـ140 رمز للتويتة الواحدة، و اللى فريق تطوير Twitter بيعتبروه رمز للتميز عن غيرهم و كدة؛ لذلك مش هتشوف على تويتر بوست رخم و تكَسِّل تقرأه زي دا!
إرسال تعليق
تذكر قوله تعالى
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ ))
الان يمكنك اضافة اي مقطع فيديو الى التعليقات وايضا اضافة الصور فقط ضع رابط الصور او مقطع الفيديو في التعليقات
آرائكم تسعدنا، لمتابعة التعليق حتى نرد عليك فقط ضع إشارة على إعلامي