-->
U3F1ZWV6ZTEwOTc2NjM5NDkwX0FjdGl2YXRpb24xMjQzNTAxODM2NjQ=
recent
أخبار ساخنة

لماذا يحدث خلل قى الصورة عند عمل تكبير للصورة ZOOM ؟


لماذا يحدث خلل قى الصورة عند عمل تكبير للصورة ZOOM ؟

لماذا يحدث خلل قى الصورة عند عمل تكبير للصورة ZOOM ؟

أكيد لاحظت قبل كدة إنك لما بتعمل Zoom من كاميرا الموبايل بتلاقى الصورة اتشَلفَطِت و اتشَوِّهِت معالمها
و مابقتش تنفع غير للرَمى فى الزبالة... تفتكر ليه؟! 

قبل ما ندخل فى المواضوع دى شوية مواضيع بردو انصحك انك تقراها
لما بتصور بأي كاميرا احترافية (أو مش احترافية حتى) بيكون فيها مجموعة من العدسات المرصوصة ورا بعضها بشكل معين (اللى اصطلاحًا بنقول عليها "عَدَسة الكاميرا"، لكن هى عدسات كتير ) و دى مسئولة عن الـZoom فى الكاميرا عن طريق تغيير المسافات بينها و بين بعضها، و بين مجموعة العدسات كلها و مستشعر الكاميرا، أو بمعنى تاني تغيير
 "البُعد البؤري" (Focal Length) لمجموعة العدسات كلها، و اللى باختصار لو زاد بيعمل Zoom in
و بيكَبَّر الحاجة اللى بتصورها أو بيمكنك تصور حاجة بعيدة، و لو قَلّ بيعمل Zoom out و بيخليك تقدر تصو
 المشهد بشكل أوسع، و دا اسمه Optical Zoom (أو "التقريب البصري") لأنه بيعتمد بشكل
رئيسي على العدسات (أو البصريات) اللى فى الكاميرا.

النوع دا من الزوم يعتبر الأفضل؛ لأن الضوء اللى بيوصل لمستشعر الكاميرا نفسه هو اللى بيتغير بتغير البُعد البؤري للعدسة
 و المستشعر بيلقط الضوء اللى بيوصل له (أيًا كان) بدقته الكاملة و بالتالي مفيش أي فَقد فى تفاصيل الصورة
أو أي مشاكل لما بتعمل Zoom

لكن الموبايل اللى فى إيدك مش ممكن يتعمل فيه موضوع العدسات اللى بتتحرك دا؛ لأن الموبايل محتاج إنه يكون بسمك مناسب و لو اتعمل موضوع العدسات دا هيبقى سُمكها كبير جدًا و هتحتاج موتور علشان تظبط الـFocus و شغلانة زرقاء؛ فالشركات اللى بتصمم الموبايلات عملت حركة ظريفة و حطوا فى كاميرات الموبايل عدسة واحدة ببُعد بؤري ثابت علشان الكاميرا ماتبقاش تخينة بالمنظر الغبي اللى فى موبايلات زي Samsung Galaxy S4 Zoom و Galaxy K Zoom! لكن هنا واجهتهم مشكلة... أوقات كتير و انت بتصور بالموبايل هتحتاج تعمل Zoom in على جزء معين من المشهد اللى الكاميرا بتصوره، و هنا ظهر الـDigital Zoom (أو التقريب الرقمي للصورة)

الـDigital Zoom دا فكرته إنه بياخد جزء صغير من الصورة الأصلية اللى الكاميرا بتلقطها و يكَبَّره لك فى الشاشة كلها
علشان لما تصور يحتفظ بالجزء دا بس من الصورة... طيب الموضوع دا حلو ولا وِحِش؟!

و الله الموضوع دا ميزته الوحيدة إنه بيوفر عليك إنك تلقط الصورة و تقعد تقصها بعد كدة، و تقريبًا مالوش فايدة غير كدة لأنه بيطلع الصورة من غير معظم التفاصيل اللى المفروض تكون فيها، كمان الصورة آوقات كتير بتكون مبكسلة لأنها بتكون
 جزء من الصورة الأصلية؛ و بالتالي بتكون بـResolution صغير و السوفتوير بتاع الكاميرا بيلعب فيها شوية
 و بيحاول يكَبَّر الحجم، لكن بتطلع الصورة فيها كمية Noise فظيعة... وحِش وحِش يعنى 

يعنى مفيش أمل إننا نستخدم Optical Zoom فى الموبايلات؟

مفيش أمل إزاي بس؟ أمال الشركات اللى بتعمل كاميرات دى شغلتها إيه؟! 


زمان (مش زمان أوي يعنى) كان الحل علشان يبقى الموبايل فيه Optical Zoom إنه يتحط فيه عدسات زي الموجودة
 فى كاميرات الـPoint & Shoot، لكن دا كان معناه إن الموبايل يبقى تخين جدًا و شكله مش لطيف خالص..
. زي الـS4 ZOOM برضو، و دا خلى شركات الموبايل نست الموضوع دا خالص... لغاية 2016 

فى 2016 (السنة اللى فاتت يعنى) شركة LG أعلنت عن موبايلها LG G5 (اللى ماحققش المبيعات المرجوة منه)
 لكنه كان فيه كاميرتين من ورا؛ واحدة 16 ميجابيكسل بعدسة عادية و واحدة 8 ميجابيكسل بعدسة Wide Angle،
و دا ألهم شركات كتير لإنها تستخدم نفس الفكرة فى الـOptical Zoom، زي Apple اللى عملت iPhone 7 Plus فى نفس السنة، و اللى فيه كاميرتين من ورا؛ واحدة بعدسة بعدها البؤري 28 ملليمتر زي معظم كاميرات الموبايلات، و واحدة البُعد البؤري بتاعها 56 ملليمتر علشان تديك 2x Optical Zoom، و موبايل زي Oppo 5X اللى بيديك Optical Zoom لغاية 5 مرات، و OnePlus 5 و Xiaomi Mi 6 اللى كلهم نَحَتوا نفس الفكرة من Apple 
نوع تالت من الـZoom موجود فى بعض موبايلات Huawei الجديدة، و اللى بيكون فيها كاميرتين بعدسات ليهم نفس البُعد البؤري، لكن مختلفين فى الدقة (أو عدد الـMegapixels) زي الـMate 9 و P10، و فى الحالة دى بتكون الصورة كبيرة أصلًا فى السنسور المسئول عن تجميع الضوء و تجميع التفاصيل من الصورة؛ و بالتالي لما بتعمل Digital Zoom جودة الصورة مابتتأثرش بشكل كبير، و بيتم استخدام البيانات اللى جاية من الكاميرتين و دمجها مع بعض علشان يطلعوا صورة معقولة من غير ما تفقد قَدر كبير من التفاصيل، و دا بيسموه Hybrid Zoom.

على كل حال الـDigital Zoom بيكون سىء فى معظم الأحيان، و لو كُنت بتصور مشهد بعيد عنك حاول تهِزّ طولك و تقَرَّب منه شوية بقَدر المُستطاع لأن الـDigital Zoom من هاينصفك 


ليست هناك تعليقات
إرسال تعليق

إرسال تعليق

تذكر قوله تعالى
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ )) ‏

الان يمكنك اضافة اي مقطع فيديو الى التعليقات وايضا اضافة الصور فقط ضع رابط الصور او مقطع الفيديو في التعليقات

آرائكم تسعدنا، لمتابعة التعليق حتى نرد عليك فقط ضع إشارة على إعلامي

الاسمبريد إلكترونيرسالة

تم اكتشاف مانع الأعلانات

من فضلك قم بتعطيل أداة مانع الأعلانات أدبلوك AdBlock من المتصفح للدخول لمدونة أردرويد أو يمكنك أستخدم متصفح أخر وشكرا لك :)

مدونة أردرويد تعتمد فقط على الأعلانات كمصدر لدخلها و هى لا تحتوى على اعلانات منبثقة او مزعجة لذلك نرجو منك تفهم الأمر بدون أنزعاج وشكرا لك :)

×