8107339487713063
recent
أخبار ساخنة

لو موجود زرار واحد بيمسح كل بيناتك ع الانترنت هتستخدمة ؟

الخط

لو موجود زرار واحد بيمسح كل بيناتك ع الانترنت هتستخدمة ؟



بسم الله الرحمن الرحيم

بص انت من عنوان البوست ممكن تفتكرني بهزّر أو ده حلم مش أكتر
 
 بالعقل كده هل ممكن دوسة زُرار تشيل حضرتك من ع النت ؟  

طب وصورك وڤيديوهاتك ؟! بلاويك وبياناتك ؟! شراباتك وبوكســـ..... هوب هوب هوب 
 طيب .. بالعقل كده والمنطق لو فكرنا فيها فـ الإجابة هتكون : لأ .
لكن فيه إعلان عبقري كان بيقول : " مع تايد للغسيل مفيييش مستحيييل "  
 الجملة دي عبقرية الصراحة ويعتبر مبدأ النت الوحيد أنه ملهوش مستحيل ..
 حرفياً كده مفيش حاجة متعرفش تعملها ع النت .. 

بص يا سيدي !
في نهاية شهر نوفمبر اللي فات أتنين مطورين علوضهم أسمهم  Wille Dahlbo و Linus Unnebäckk
صمموا موقع فكرته ظريفة أوي ، الموقع ده وبكل بساطة بتسجل دخول عليه بحساب جوجل ( الچيميل - Gmail )
 الرئيسي بتاعك وبيعمل لك Scan كده أو فحص لكل المواقع والخدمات اللي حسابك ده مرتبط بيها ،
وبيوفر لك أمكانية حذف الحسابات دي بدوسة زرار  
.
طيب .. الموقع بيجيب إيه بالظبط ؟!

الموقع ده يا سيدي بيجيب لك Listt أو قائمة كده بكل المواقع اللي سجلت
عليها زي فيسبوك ، تويتر ، Evernote وغيرهم كتير جداً ..
وجنب كل حاجة من دول هتلاقي زرارين ، أولهم أسمه Keepp وده لمّا بتدوس عليه بيسيب
الموقع ومبيحذفهوش ، والتاني بأسم add to delete queue وده بتدوس عليه علشان
 تحدد اللي عاوزهم يتمسحوا ..
بتحدد الحسابات اللي عاوز تحذفها وبس كده ..
 دي كل الحكاية .. من الآخر دي الخلاصة
.
أكيد هتقول لي Shut up ! 
طيب يا سيدي ، الموقع أسمه ( Deseat .mee ) 
 طيب .. الجميل بقي في الموقع أو الأداة دي أنها مبترفعش أي بيانات شخصية من حضرتك
 للمطورين اللي هُما ويلي ولينوس .. تقدر تقول أنه بعد ما حضرتك بتخلّص فهُما
مبيبقوش قادرين حتي أنهم يشوفوا عنوان الإيميل بتاعك .. 
الموقع ده من الأهمية بمكان تخلي موقع زي Huffpost يشكُر فيه  
.
وعلشان تتأكد بنفس ذات نفسك فـ في حساب جوجل هتلاقي قسم أسمه My Activityy
 ودا من خلاله تقدر تتابع نشاطك بحساب الـ Gmail ده وتتأكد أن مفيش أي حاجة
 حصلت كده ولا كده من ورا ضهرك ، يعني كل ڤيديو بتشوفه ، كل عملية بحث بتعملها ،
 كل حاجة بتتسجل في القسم ده وتقدر تراجعها كلها .. هتلاقي بلاوي صدقني  
.



ليست هناك تعليقات
إرسال تعليق

إرسال تعليق

تذكر قوله تعالى
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ )) ‏

الان يمكنك اضافة اي مقطع فيديو الى التعليقات وايضا اضافة الصور فقط ضع رابط الصور او مقطع الفيديو في التعليقات

آرائكم تسعدنا، لمتابعة التعليق حتى نرد عليك فقط ضع إشارة على إعلامي

نموذج الاتصال
الاسمبريد إلكترونيرسالة

تم اكتشاف مانع الأعلانات

من فضلك قم بتعطيل أداة مانع الأعلانات أدبلوك AdBlock من المتصفح للدخول لمدونة أردرويد أو يمكنك أستخدم متصفح أخر وشكرا لك :)

مدونة أردرويد تعتمد فقط على الأعلانات كمصدر لدخلها و هى لا تحتوى على اعلانات منبثقة او مزعجة لذلك نرجو منك تفهم الأمر بدون أنزعاج وشكرا لك :)

×