بتشيل الفلاشة ازاى من الجهاز ؟

بتشيل الفلاشة ازاى من الجهاز ؟

    بتشيل الفلاشة ازاى من الجهاز ؟


    بسم الله الرحمن الرحيم

    أكيد سمعت في يوم من الأيام من صاحبك اللي بيقعد ع النت كتير ده أنك لازم متشيلش
     الفلاشة علي طول من الكمبيوتر ، ولازم تعمل لها Ejectt قبل ما تخرجها من الجهاز علشان
     الملفات اللي عليها ميحصللهاش حاجة .. 
     والأكيد بقي أنك بتريَحُه وبتضرب بكلامُه عرض الحائط ولمّا بتخلَص أستخدام الفلاشة
    بتروح ساحبها من الجِهاز غصب وأقتدار زي باقي الشعب المصري ما بيعمل 


    طيب .. هل الموضوع ده بيسبب مشاكل للفلاشة أو الكمبيوتر ؟ 

     عامةً وكـ كُل .. وبالنسبة لأستخدامك لأي جهاز تخزين خارجي سواء هارد أو فلاشة
     فالأفضل إنك متفصلهوش عن الجهاز كده مرَة واحدة من غير ما تعمل له إزالة بأمان
     علشان تحمي بياناتك من أنها تتعرض للضياع بسبب حركة بسيطة منك ..

    نيجي لكلامنا .. في حالة انُه فيه برنامج بيقرأ - بيقرأ بس ومبيكتبش - حاجة من
     علي الـ USB مثلاً وأنتا شيلتها مرَة واحدة من الجهاز فـ في الحالة دي مش هيحصل حاجة
     للفلاشة ولا البيانات بتاعتك لأن البرنامج كان بيقرأ بس ( Read only ) مش في حالة كتابة ( Write ) ..
     لكن في الوقت نفسه البرنامج اللي بيقرأ بيانات من علي الفلاشة - كمثال إنك مشغّل فيلم من
    علي فلاشة ببرنامج ميديا بلاير - فالبرنامج ده هيبقي مُعرَض لأنه يهنَج لوحده أو الجهاز كله يهنج 

    لكن في حالة إنك كُنت بتنقل أي ملفات علي الفلاشة وفصلتها فكده لازم تعرف إنك بتعرّض بياناتك دي للتلف وِش ..
     وده لأن الكمبيوتر بيستخدم حاجة أسمها ( Write Caching ) علشنا يشتغل بسلاسة ومن غير
     ما يكون فيه أي تهنيج .. 
    ودي عن طريق أنك لمّا بتعمل نسخ لملف معين من الكمبيوتر للـ USBB المتوصلة بالجهاز والجهاز يديك رسالة إن عملية النقل تَمت فـ في أغلب الأوقات بيكون لسّه منقلش الملف ده للفلاشة .. 


    ليه بيعمل كده ؟


    الكمبيوتر بيعمل كده علشان ميضيَعش وقت ويحمل ع البروسيسور بجانب أستخدامك العادي فبيخزن
     البيانات اللي أنتا عاوز تنقلها للفلاشة علي ذاكرة التخزين المؤقتة اللي هيا أسمها Cache بالأنجليزي
      وبيستني  لغاية ما يبقي عنده شوية أوامر أو بيانات يكتبها ع الفلاشة ويروح قايم بيها مرَة واحدة ..
     وغالباً الحوار ده مبيحصلش غير في الملفات الصغيرة مش الكبيرة ..

    وعامةً الميزة دي الشركة بتكون قافلاها أفتراضياً لأنها عارفة إن المستخدمين مبيهتموش بحاجة زي دي
     وبيشيلوا الفلاشات علي طول من الكمبيوتر من غير ما يعملوا لها لا safley remove ولا يحزنون
     
    وممكن بكل بساطة أنك تشغلها عن طريق أنك بتروح لخصائص الكمبيوتر بتاعك بأنك بتدوس
     كلك يمين علي أيقونة My Computer وتختار Device Manager > بعيدن بتختار
     رابع أختيار اللي هوا Disk Drivers وتففتحُه ، وبعدين تختار القرص اللي عاوزه وتدوس
     عليه وتختار Properties > وبعدين تدخل علي تبويب Policies وهتلاقي فيها أختيارين قدامك .. 

    الأول ده اللي هوا Quick Removall ودا أختيار الإزالة السريعة اللي بيخليك تقدر تشيل الفلاشة
    بسرعة ومن غير ما تعمل لها إزالة بأمان ولا حاجة .. 
    والتاني اللي هوا Better Performance وده بيفعَل الـ write cachingg اللي قلنا عليه
     فبيديك أداء أحسن ولكن لو أخترتُه هيبقي لازم قبل ما تشيل الفلاشة من الجهاز أنك تعمل لها إزالة
     بأمان ودي من خلال إنك بتدوس علي أيقونة الفلاشة من جنب الساعة كده وبتدوس علي Eject
     علشان ينهي كل عمليات النقل اللي لسه مخلصتش ويبقي كله في السليم ..
    قرر أنتا عاوز أنهي خيار منهم وأختارُه وبعدين دوس Ok وبس يا سيدي 

    عامة لو أستنيت 30 ثانية قبل ما تشيل الفلاشة الدنيا مش هتُقف يعني ولا الكوكب هيَكُف عن الدوران 

    مدونة أردرويد
    @مرسلة بواسطة
    كاتب ومحرر اخبار اعمل في موقع مدونة أردرويد .

    ردد معي : ربنا اغفر لى و لوالدى و للمؤمنين يوم يقوم الحساب

    مشاهدة التعليقات

    إرسال تعليق

    تم اكتشاف مانع الأعلانات

    من فضلك قم بتعطيل أداة مانع الأعلانات أدبلوك AdBlock من المتصفح للدخول لمدونة أردرويد أو يمكنك أستخدم متصفح أخر وشكرا لك :)

    مدونة أردرويد تعتمد فقط على الأعلانات كمصدر لدخلها و هى لا تحتوى على اعلانات منبثقة او مزعجة لذلك نرجو منك تفهم الأمر بدون أنزعاج وشكرا لك :)

    ×