نصايح مهمه ليك لو بتفكر تشترى كمبيوتر

نصايح مهمه ليك لو بتفكر تشترى كمبيوتر

    نصايح مهمه ليك لو بتفكر تشترى كمبيوتر


    قبل ما تجَمَّع أي كمبيوتر أو تشترى قطع زيادة للكيسة بتاعتك أو تعملها Upgrade لازم تتأكد من توافق القطع
     مع بعضها و مع الـCase اللى بتستخدمها

    - أهم حاجة لازم تبص عليها هو دعم البروسيسور لنفس عدد الـRam Slots اللى بتكون فى الـMotherboard
    علشان لو هتجيب رامات بعد كدة متضطرش ترمى الرامة القديمة أو تبيعها بتراب الفلوس
    - لازم تتأكد من إنك بتشترى نوع الرامات الصح المتوافق مع البروسيسور و الـMotherboard
    يعنى مثلا ميبقاش البروسيسور بيشتغل برامات DDR3 و تروح انت تجيب بوردة مبتدعمش غير DDR4 مثلا! أو العكس
    - لازم تتأكد إن الـPower Supply Unit أو الـPSU قدرته الكهربية أعلى من اللى بتحتاجه مكونات الجهاز بـ10% على الأقل؛ و دا لأنك لو هتزود مراوح أو مكونات إضافية هتأثر على الأداء و استهلاك الطاقة لو مش عامل حسابها
    - يُستحسن تجيب كيسة بأبعاد مناسبة لأبعاد القطع اللى بتشتريها علشان متضطرش تغير الكيسة تانى أو تغير حاجة من المكونات و تخسر فى تمنها لأنك هتبيعها مستعملة!!


    يا فرحتى ببروسيسور Core i7 الجيل السادس و جرافيكس كارد GTX 1080 و هارد SSD واحد تيرا
    و مفيش غير مروحة حزينة بتبرد كل دا! 
    - لازم تعمل حسابك فى مراوح تبريد قوية و فلاتر كويسة علشان الجهاز بتاعك ميبقاش عبارة عن مَقطَف تراب 
    - لازم المراوح اللى هتشتريها يكون قُطرها مناسب للمكان المخصص ليها على الكيسة
    - قلتلك قبل كدة إن التبريد مهم جدا؟ 
    - لازم الـPower Supply يكون من نوع كويس علشان تقلبات الكهربا اللى عندنا دى متبوظوش،
     و علشان هو ميبوظش الحاجات اللى بيديلها كهربا.. جمعية و دايرة يابا و قطر مبيقفش 
    - لو عامل حسابك إن الكمبيوتر هيكون للألعاب يستحسن تجيب بروسيسور Unlocked علشان يقبل Overclocking؛
     و دا لو بتشترى بروسيسور من Intel هتلاقى فى آخر الموديل بتاعه C أو K.. مش عارف إيه العلاقة بين الحرفين دول
     و Unlocked.. بس احنا هنعرف أكتر من التليفزيون؟ 

    - التبريد مهم جدا جدا جدا لو هتعمل Overclocking، و لو ناوى على حاجة زي دى لازم يكون عندك Power Supply قوي يشيل المعجنة اللى هتحصل 
    - لو هتعمل Overclocking إياك تجيب البروسيسور لآخره 

    أينعم انت دافع فلوسه و هو بتاعك و كل حاجة؛
    لكن لو زودت الـ 
    Clocking  بتاعه عن حد معين
     و مفيش تبريد كفاية أو طاقة كفاية هتعمل عليه فشار بعد كدة 


    اندرويد العرب
    @مرسلة بواسطة
    كاتب ومحرر اخبار اعمل في موقع مدونة أردرويد .

    ردد معي : ربنا اغفر لى و لوالدى و للمؤمنين يوم يقوم الحساب

    مشاهدة التعليقات

    إرسال تعليق

    تم اكتشاف مانع الأعلانات

    من فضلك قم بتعطيل أداة مانع الأعلانات أدبلوك AdBlock من المتصفح للدخول لمدونة أردرويد أو يمكنك أستخدم متصفح أخر وشكرا لك :)

    مدونة أردرويد تعتمد فقط على الأعلانات كمصدر لدخلها و هى لا تحتوى على اعلانات منبثقة او مزعجة لذلك نرجو منك تفهم الأمر بدون أنزعاج وشكرا لك :)

    ×