8107339487713063
recent
أخبار ساخنة

إعلان مايكروسوفت عن صدورها لويندوز 10 مجانا

الخط




اخواتى و احبائى فى الله متابعين مدونة أردرويد

ميكروسوفت أعلنت إمبارح فى مؤتمرها #MicrosoftEDU عن حاجة مش متعودين عليها من ميكروسوفت! 
الشركة أعلنت عن إصدار "مجاني" من نظام تشغيل Windows 10 اسمه Windows 10S...
 نظام التشغيل دا موجه بشكل أساسي للتعليم... التعليم بس 

على حسب كلام ميكروسوفت، الـ10S يعتبر نسخة خفيفة جدا من نظام تشغيل Windows 10،
بس محدود كتير عن أي إصدار من ويندوز 10 أبو فلوس 

النظام دا معمول بحيث يسمح بتثبيت البرامج و الألعاب من Windows Store
 بس (أيوة.. اللي مفيهوش حاجة دا )؛ و بكدة على حسب كلام ميكروسوفت إنه هيكون خفيف بدرجة كبيرة جدا
 و هيكون متوافق مع أجهزة الكمبيوتر القديمة الموجودة فى مدارس كتير، كمان هيديهم إمكانية إنهم يعملوا
 أجهزة كمبيوتر اقتصادية مخصصة للدراسة؛ و بالتالي هيكون من حق كل طالب إن يكون معاه كمبيوتر!

النظام هيكون متاح مجانا للمدارس و الجامعات، و ممكن يثبتوه على أي عدد من أجهزة الكمبيوتر مهما
 كانت الأجهزة دى قديمة؛ كمان تثبيت النظام دا سريع جدا و ممكن بفلاشة واحدة تثبته على كمبيوترات
 المدرسة كلها لأنه بيتنسخ على الهارد فى أقل من دقيقة و بيبدأ يتثبت لواحده من غير الفلاشة إبداااااع 
مش بس كدة؛ دى كمان أعلنت عن جهاز لابتوب جديد اسمه Surface Laptop بيشتغل بالنظام الجديد
 دا علشان يبين خواصه و مميزاته و حبشتكناته الكتير، و بأسعار بتبدأ من 999 دولار... بس! 

و مع اللابتوب دا هتاخد سنة اشتراك مجاني فى حزمة Office 365 و نسخة مجانية
من لعبة  Minecraft المخصصة للتعليم... يا بلاش و الله! 


لكن الشركة بتقول إن نظام Windows 10 S هينزل على أجهزة لابتوب
 من Dell و Toshiba و غيرهم، بأسعار بتبدأ من 190 دولار... لما نشوف! 


طيب خلينا نتكلم كفنيين 
 إيه اللى يخلى شركة زي ميكروسوفت عندها نظام تشغيل بتبيع النسخة الواحدة منه بعشرات الدولارات
 تعمل حركة زي دى و تعمل نسخة مجانية من النظام دا؟! معقولة غاوية خساير يعني؟! 


فى رأيى الموضوع دا كله مكاسب بالنسبة لميكروسوفت؛ خد عندك مثلا:

- ميكروسوفت بالحركة دى هتخلى المدارس تستخدم نظام التشغيل بتاعها بشكل أكبر؛ و دا لو ملوش
 فايدة خالص غير إن المدارس تستخدم نظامهم بدل توزيعات لينكس (و بالذات Chrome OS)
 تعتبر ميكروسوفت كسبت دعاية كبيرة جدا و عملاء كتير جدا فى المستقبل من الطلبة اللي بيستخدموا
النظام دا و متعودين عليه! (زي اللى بيحصل فى مصر مثلا؟ )

- القيمة السوقية للشركة هتزيد بشكل جنوني كل ما عدد مستخدمين نظام التشغيل زاد
 خصوصا إن Apple و Google دلوقتى بينافسوا بقوة فى مجال التعليم!

- سبب استثمار شركات كتير فى مجال التعليم إن الحكومة الأمريكية يتقدم لهم تسهيلات
و تخفيضات ضريبية أكتر؛ و دى حاجة مش هتضر أكيد 

- غير كدة كمان إن دى حركة حلوة علشان يخلوا مطورين البرامج يهتموا بالـWindows Store
 و يطوروا برامج و ألعاب متوافقة معاه؛ و بالتالي الحاجات دى هتشتغل على أجهزة Windows Phone
لأن الـStore واحد تقريبا فى كل الأجهزة اللي بتشتغل بنظام Windows
- ميكروسوفت بالموضوع دا بتكسب عملاء جداد لحزمة Office 365، و هتكسب فلوس كتير
من تجديد اشتراكات العملاء دول فى خدمات Office 365
- قبل الكلام دا كله، ميكروسوفت هتكسب كتير من مبيعات اللابتوب الجديد بتاعهم دا، و اللي يعتبر
خيار كويس نسبيا لو عملت حساب المميزات و الخدمات المجانية اللى بتاخدها منه

ليست هناك تعليقات
إرسال تعليق

إرسال تعليق

تذكر قوله تعالى
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ )) ‏

الان يمكنك اضافة اي مقطع فيديو الى التعليقات وايضا اضافة الصور فقط ضع رابط الصور او مقطع الفيديو في التعليقات

آرائكم تسعدنا، لمتابعة التعليق حتى نرد عليك فقط ضع إشارة على إعلامي

نموذج الاتصال
الاسمبريد إلكترونيرسالة

تم اكتشاف مانع الأعلانات

من فضلك قم بتعطيل أداة مانع الأعلانات أدبلوك AdBlock من المتصفح للدخول لمدونة أردرويد أو يمكنك أستخدم متصفح أخر وشكرا لك :)

مدونة أردرويد تعتمد فقط على الأعلانات كمصدر لدخلها و هى لا تحتوى على اعلانات منبثقة او مزعجة لذلك نرجو منك تفهم الأمر بدون أنزعاج وشكرا لك :)

×