تطبيق whatsapp بيكسب منين ؟

- 2:02 م


تطبيق whatsapp بيكسب منين ؟



بسم الله الرحمن الرحيم

شركة WhatsApp يُعتبر هي أغرب شركة علي الإطلاق هنتكلم عليها في فقرة (بيأكل عِيالُه منين ؟!) 

فَـ علي عكس كل الشركات فَـ الـWhatsApp يكاد عيالُه يموتو جوعاً علشان مش بيكسب 

تعالوا نحصُر مصادر الربح للشركات بوجه عام..

(1) التطبيقات المدفوعة :

 فعلياً لاء.. الواتس تطبيق مجاني تقدر تستخدمه في أي وقت بدون أي مُقابل ومش بتدفع فلوس وانتَ
 بتنزله من المتجر سواء كان Google Play او App Store 

يعني نحذف الإحتمال دا 

(2) الإعلانات :

للأسف لاء بردو.. 

تطبيق الـWhatsApp خالي تماماً من اي نوع من الإعلانات بكُل أشكالها 
وادي كمان إحتمال محذوف 

(3) الإضافات المدفوعة :

او ما نقدر نقول عليه عمليات الشراء داخل التطبيق..
زي مثلاً لما تكون منزل لعبة ويقولك ادفع 9.99 دولار في مقابل عدد معين من العملات 
الـWhatsApp في بدايته كان بيديلك سنة استخدام مجاني وبعد كدا بيطلب منك إشتراك سنوي مقداره
 "دولار واحد" 
فيما معناه انه دخلهم السنوي لا يتجاوز شوية ملايين كدا بالكاد تكفي مصاريف الشركة 
لاء وكمان اصبح الموضوع مجاني بسبب ان كتير من الناس معاهمش فيزا يقدرو يدفعوا بيها 

وهنا يظل السؤال مطروحاً..

الـWhatsApp بيأكل عياله منين ؟!

ولية مارك صاحب شركة الـFacebook اشتراه ودفع فيه 19 مليار دولار ؟! 

أحد الإجابات المطروحة كانت كَـ الآتي :

 -انه بيكون قاعدة مستخدمين كبيرة الأول ومن بعدها يقدر يطبق اي طريقة تجيبله ارباح بشكل او بآخر
وساعتها هتكون ارباح كبيرة نظراً لعدد المستخدمين المتزايد 


-إجابة اخري كانت ان مارك اشتري الـWhatsAppp علشان يبقي المسيطر الأقوي علي اكبر فئة من المستخدمين لتطبيقات التواصل الإجتماعي وانه بيستخدم بيانات المستخدمين علي الـWhatsApp علشان يحسن من
دراساته لتوجيه الإعلانات بشكل أفضل علي الـFacebook 


دا كان كل شئ النهاردة..

ليست هناك تعليقات:

لا تبخل بوضع تعليقك و منشاقشتنا اذا وجدت مشكلة نحن نتمنى رضاء الزائر
الأبتساماتأخفاء الأبتسامات

 

ابدأ الكتابة ثم اضغط انتر للبحث

تم إكتشاف مانع الإعلانات

من فضلك قم بتعطيل أداة مانع الأعلانات أدبلوك AdBlock من المتصفح لدخول مدونة اردرويد ، أو أستخدم متصفح أخر وشكرا لك

مدونة اردرويد تعتمد فقط على الأعلانات كمصدر لدخلها لذلك نرجو منك تفهم الأمر بدون أنزعاج وشكرا لك

×