8107339487713063
recent
أخبار ساخنة

كيف تم إنشاء اسم Youtube ؟

الخط




بسم الله الرحمن الرحيم

كلنا بنستخدم موقع YouTube كل يوم و بنتفرج على فيديوهات بالعبيط عليه  مع ذلك أعتقد إنك
سألت نفسك مرة كدة على الأقل و قُلت يا ترى ليه موقع محترم زي دا يبقى اسمه "انت أنبوبة"؟ 

 و بعدين تلاقيك قلت إن زيه زي أي اسم.. مش لازم يكون ليه مبرر.. يعنى إيه المبرر إن محل فول و طعمية
يبقى اسمه "البغل" مثلا؟! 
هو بغض النظر عن إن "البغل" متسمي على اسم صاحبه، لكن إيه رأيك بقى إن أنا
هفاجأك و أقول لك إن YouTube دا مش اسم عشوائي، و إن Chad Hurley و Steven Chen
 و Jawed Karim (التلاتة اللي عملوا موقع YouTube) كان ليهم وجهة نظر فى الاسم دا؟ 


مبدئيا خلينى أفكّرك إن YouTube اتأسس سنة 2005، و اتعمل علشان يكون مكان خاص علشان الناس
يرفعوا فيه فيديوهاتهم و المحتوى اللى بيعملوه بحيث إنك تقدر تشوف المحتوى اللى انت عاوزه من غير ما تقعد 10
ساعات قدام التليفزيون علشان تشوف حلقة نُص ساعة!

التليفزيونات القديمة كلها كانت عبارة عن حاجة اسمها CRT (أو Cathode Ray Tube)،
و دى هى هى أنبوبة الكاثود بتاعة فيزيا ثانوية عامة لو تفتكر 

المهم إن التليفزيونات دى كان اسمها العامي أو الدارج "Boob Tube"، زي ما انت بتقول على Facebook "الفيس"

و بما إن الغرض من موقع YouTube أصلا هو عرض الفيديوهات فكان اسم "Tube"
دا من الخيارات اللى بيفكروا فيها 
و لأن المحتوى اللى على الموقع بيعمله مستخدمين الموقع نفسهم
(على عكس التليفزيون العادي)، كان لازم يكون اسم الموقع بيدل على كدة؛ لذلك أضافوا "You"
 كدلالة على إن المحتوى اللى على الموقع من المستخدمين و إلى المستخدمين 

يبقى الاسم اللى اختاروه معناه "التليفزيون اللى بيقدم محتوى للمستخدم مصنوع من مستخدمين تانيين"

معلومة على الهامش كدة.. فى 2006 شركة اسمها "Universal Tube" بتاعة مواسير رفعت قضايا
 على موقع Youtube علشان الويبسايت بتاع شركة كان المواسير اسمه UTube.com 
المهم إن القضية دى اتحكم فيها لصالح YouTube، و شركة المواسير غيرت الـDomain بتاعها
و بقى UTubeOnline.com 

ليست هناك تعليقات
إرسال تعليق

إرسال تعليق

تذكر قوله تعالى
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ )) ‏

الان يمكنك اضافة اي مقطع فيديو الى التعليقات وايضا اضافة الصور فقط ضع رابط الصور او مقطع الفيديو في التعليقات

آرائكم تسعدنا، لمتابعة التعليق حتى نرد عليك فقط ضع إشارة على إعلامي

نموذج الاتصال
الاسمبريد إلكترونيرسالة

تم اكتشاف مانع الأعلانات

من فضلك قم بتعطيل أداة مانع الأعلانات أدبلوك AdBlock من المتصفح للدخول لمدونة أردرويد أو يمكنك أستخدم متصفح أخر وشكرا لك :)

مدونة أردرويد تعتمد فقط على الأعلانات كمصدر لدخلها و هى لا تحتوى على اعلانات منبثقة او مزعجة لذلك نرجو منك تفهم الأمر بدون أنزعاج وشكرا لك :)

×