8107339487713063
recent
أخبار ساخنة

موضوع شامل عن كروت الميمورى Micro SD Cards

الخط

موضوع شامل عن كروت الميمورى Micro SD Cards


واحدة من أفضل الأختراعات اللي كانت ومازالت هيا الـ Micro SD Cards اللي إحنا بنسميها ( كروت الميموري )
حاجه كده قد عُقلة صُباعك شايله كل بياناتك .. من صور .. لڤيديوهات .. لشرابات أي حاجه مبتقولش لاء ..
حمَّالِة قسيه من الاخر يعنى . اذا 
عن طريق كروت الميموري دي بقي عندنا سعات تخزينية بسعات مكُناش نحلم بيها
من 20 سنة فاتوا ، الله يرحم لما كان 2 جيجا بيكفوا البني آدم  .. كروت الميموري بقت بتُستخدم في أجزة كتيرة ،
 زي الموبايلات ، الكاميرات اللي بتصوّر 4K ، والڤيديوهات اللي بتبقي بالـ 5 جيجا والحاجات دي كلها  لكن واحدة من أهم المشاكل اللي بتقابل التخزين علي كروت الميموري واللي كان لازم يتغلبوا عليها هيا السرعة ..

فكان أن تم أختراع كروت ميموري بيسموها Universal Flash Storage وبيدلعوها بـ UFS الكروت دي أسرع بحوالي خمس مرات من كروت الـ SSD العادية .. بالأضافة لأن بعض الشركات زي الخالة سامسونج بتهدف لأنها تستبدل بالكروت
دي كروت الـ SD والـ eMMC في الموبايلات ..
الكارتين بنفس الحجم
مع أختلاف بسيط في التصميم + أختلاف في الـ Pin النحاس ..


 ! إيه الفرق بين الـ UFS والـ SD غير اللي كل الناس عارفاه ؟

- الـ UFS أسرع من كروت الـ SD : 
الحقيقة فـ كروت الـ UFS سريعة لدرجة تحُط كروت الـ SD في وضع مش وضعها  في الوقت اللي كروت الـ SD بتشتغل بمتوسط سرعة من 100 ميجا/ثانية للكروت العادية أو 312 ميجا/ثانية لكروت الـ UHS-|| ، فكروت الـ UFS
بتشتغل بسرعة 530 ميجا/ثانية .. أضعاااف السرعة ودي هتساعد كتير في تصوير الـ 4K
 .


- و متوفرة بسِعات تخزينية ضخمة .. ضخمة ضخمة يعني كروت الـ UFS بتيجي بأربع سعات تخزينية يكَفوا أي أستخدام مهما كان .. الكروت دي بتيجي بسعات بداية من 32 جيجا ، مروراً بـ 64 جيجا ، و 128 جيجا ، وآخر وأكبر سعة هيا 256 جيجا .. دي السعات المتوفرة لغاية دلوقتي ، ممكن مستقبلاً يبقي فيه أعلي منها .. مين عالم !


- التوفير في الطاقة :

من الصعب إنك تلاقي قطعة ألكترونية تكون بتقدم تكنولوچيا متطورة وتوفَر في الطاقة ، لكن اللي بيميّز كروت الـ UFS أنها بتستهلك طاقة أقل من كروت الـ SD .. حوالي النُص بالظبط ..


- السلاسة في الأداء :

كروت الـ SD بيبقي فيها لاج بسيط لما بتكون شغالة علي الموبايل "عندي الكارت بيشلللني" خاصةً لو كان فيه تطبيقات
أو ألعاب متثبته علي الكارت .. لكن الـ UFS هتشغّل الموبايل بسلاسة أكتر ؛ لأنها بتوفر سرعات قراءة أسرع
 بمراحل من الـ SD ..


.فيه حاجه أسمها IOPS ودي أختصار لـ Input Output Per Second - الإدخال والإخراج في الثانية الواحدة ..
 كروت الـ SD بتقدر تنفذ 3.000 IOPS ، لكن كروت الـ UPS بتقدم 40.000 للقراءة ، و 30.000 للكتابة ،
هيا مش بنفس سرعة وقوة الـ SSD (نوع هارد ديسك) اللي بيقدم 70.000 IOPS لكنها -الكروت-
تعتبر سريعة جداً لو قارنناها بهارد من نوع الـ HHD
 
.

علي الرغم من إن كروت الـ UFS متطورة أكتر من الـ SD فأستخدامها في الموبايلات يعتبر ضرب من ضروب الخيال علشان ماهي بتتباع بأسعار فلكية ، وعلشان الشركات بتبقي لازم تغيّر مدخل الـ Memorey Card في موبايلاتها
الجاية علشان تتناسب مع الكروت دي

ولغاية ما حاجه زي دي تحصل هنفضل نستخدم كروت الـ SD العادية ، زي اللي في موبايلك اللي في إيدك ده 

اتمنى ان اكون قدرت افيدكم :)

ليست هناك تعليقات
إرسال تعليق

إرسال تعليق

تذكر قوله تعالى
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ )) ‏

الان يمكنك اضافة اي مقطع فيديو الى التعليقات وايضا اضافة الصور فقط ضع رابط الصور او مقطع الفيديو في التعليقات

آرائكم تسعدنا، لمتابعة التعليق حتى نرد عليك فقط ضع إشارة على إعلامي

نموذج الاتصال
الاسمبريد إلكترونيرسالة

تم اكتشاف مانع الأعلانات

من فضلك قم بتعطيل أداة مانع الأعلانات أدبلوك AdBlock من المتصفح للدخول لمدونة أردرويد أو يمكنك أستخدم متصفح أخر وشكرا لك :)

مدونة أردرويد تعتمد فقط على الأعلانات كمصدر لدخلها و هى لا تحتوى على اعلانات منبثقة او مزعجة لذلك نرجو منك تفهم الأمر بدون أنزعاج وشكرا لك :)

×