-->
U3F1ZWV6ZTEwOTc2NjM5NDkwX0FjdGl2YXRpb24xMjQzNTAxODM2NjQ=
recent
أخبار ساخنة

اسهل طريقه لعمل روت لجهاز Xperia z2 و تنزيل جميع الرومات المعدلة

اسهل طريقه لعمل روت لجهاز Xperia z2 و تنزيل جميع الرومات المعدله


بسم الله الرحمن الرحيم 

اخواتى و احبائى متابعين مدونة أردرويد و علشان دايما بنحاول نقدم لأعضاء الجروب كل جديد

النهاردا ان شاء الله هقدم موضوع جديد و ناس كتير بتدرو عليه 

موضوع اليوم هو اسهل طريقة لعمل روت لجهاز اكسبيريا زد 2 و لا يصلح لأى جهاز اخر من سلسه الاكسبيريا

و ان شاء الله مش هيبقى بس ازاى تعمل روت لا كمان هشرح ازاى تقدر تنزل الاكسبوزيد (Xposed) 

و هو طبعا البرنامج المعروف اللى بيغير جميع واجهات الموبايل و اضافات مودات اكثر من رائعه و علشان مطولش عليك

ملحوظات بسيطة

انا مش مسؤول عن اى خطأ انت تعمله بسبب سوء فهمك ركز فى الشرح كويس 

الشرح ده لجهاز اكسبيريا زد 2 رقم 575 و 291 او للمرشميلو عمتا مش هيشتغل على لولى بوب

الشرح هيشتغل معاك سوا كنت فاتح البوت لودر او مش فاتحه

البرامج اللى هنحتجها فى الشرح كلو هتلاقيها موجوده اخر الموضوع 

اولا

هنزل برنامج الفلاش تول (Flash Tool)

Image result for flash tool 

شرح بسيط عن البرنامج علشان الناس اللى مش عارفاه

البرنامج ده المسؤول عن اى سوفت رسمى بينزل لجميع اجهزة سونى يعنى اى سوفت وير رسمى لأجهزة سونى بياخده عن طريق البرنامج ده كل ما عليك هو انك بتنزل السوفت وير اللى محتاجه بصيغه Ftf و هو بيفلشه للموبايل

و ده شرح فيه كيفيه تركيب الرومات الرسميه لجميع اجهزة سونى اكسبيريا


الخطوة الثانيه 

هتنزل التعريفات الخاصه بجهازك و تعريفات ال Adb

بعد ما تنزل الفلاش تول هتفتح بارتشن ال c هتلاقى الفولد الخاص بالفلاش تول هتفتحه

هتلقى موجود جواه فولدر اسمه Driver افتحه و هتقوم بتنزيل تعريفات الجهاز  و دى صورة توضيحيه


هتلغى كل العلامات اللى موجوده وانت بتسطب التعريف و تحط علامه قدام Xperia z2 devices زى ما موضح بالصورة

و الناس اللى عندها ويندوز 8 او اكثر تتابع الموضوع ده علشان هيواجهم مشكله اثناء تنزيل التعريفات فا لازم تلغى خاصيه توقيع التعريفات

تابع الموضوع ده


الخطوة الثالثه

لو انت محدث الموبايل بتاعك لأخر تحديث اللى هو 291 هتابع الشرح اللى فى الخطوة دى و لو انت على تحديث 575 يبقى تتجاهل الخطوة دى و تدخل على الخطوة اللى بعدها

لو انت على 291 هتنزل الكيرنل الخاص بتحديث 575 و تفلشه للموبايل عن طريق الفلاش تول و هشرح دلوقتى ازاى

هتنزل الملف ده

D6503_23.5.A.0.575_kernel.zip

بعد ما ينزل هتعدل صيغه الملف من zip الى ftf و تنقل الملف للمسار ده فى الفلاش تول

C:\Users\MoKka\.flashTool\firmwares

مع مراعاة تغير اليوزر نيم بتاعك

هتفتح الفلاش تول هنضغط على شكل الرعد اللى على الشمال فى اول البرنامج و نضغط على Flash Mode

و هنلاقى الملف اللى حطناه فى مسار الفلاش تول زى ما هو موضح بالصورة


هنضغ على كلمه Flash و طبعا هنطفى الموبايل خالص و نضغط على زرار اللى بيوطى الصوت 

و توصل الموبايل باليو اس بى مع مراعاة الضغط على الزرار اللى بيوطى

فى ثوانى هتلاقى الموبايل اخد التحديث هتفصل اليو اس بى و تضغط على زرار الباور الخاص بالهاتف بتاعك 

هتلاقى الموبايل اشتغل معاك عادى دون اى تغيرات

الخطوة الرابعه

تنزيل تعريفات ال Adb

هتنزل ملف adb-setup-1.4.2

و تفتحه هيطلب منك الموافقه على تنزيل التعريفات هتضغط على حرف ال (Y) كما موضح بالصورة


بعد انتهاء التحديث هنعمل ريستارت للكمبيوتر

الخوة الخامسه و هى كيفيه تنزيل الريكوفرى

هتفعل خاصيه usb debugging و هى تصحيح اخطاء ال USB و يمكنك تفعيلها من خيار ال Developer Option

Image result for Developer Option z2

و لو مش ظاهرة عندك هتضغط على About Phone عند خيار Build Number هنضغط عليه اكثر من 10 مرات حتى يظهر لك رساله 
Congratulation now you are a Developer

و هترجع فى الاعدادات هتلاقيها اللى قبل الاخير

هتعلم على خيار Usb Debugging

Image result for Developer Option z2


و بعدها هتنزل ملف Recovery_for_MM575-291v5.zip

و هتقوم بفك الضغط من عليه ملف اسمه Install هتوصل الموبايل عن طريق اليو اس بى و تضغط على الملف


هيحمل ملفات و بعد الانتهاء هيعمل ريستارت للموبايل و هتلاقى الموبايل بدء بالريكوفرى و بكده يكون نزلنا الريكوفرى

الخطوة اللى بعدها ننزل ال Super Su

هنحمل ملف UPDATE-SuperSU-v2.76-20160630161323.zip

و هتحطة فى الكارت الداخلى للموبايل فى الوش يعنى تفتح الكارت و تحط الملف متحطوش فى ملفات داخليه ولا اى مكان اخر

ده لسهولة تنزيله و متقعدش تلف فى ملفات و لو انت ع الريكوفرى هتضغط Install من الريكوفرى و نضغط على ملف ال Super Su و تنزله

و لو انت مش ع الريكوفرى هتقفل الموبايل خالص و نضغط على زرار الباور و اول ما يظهر كلمة سونى هتضغط على زرار اللى بيوظى الصوت و متشيلش ايدك من عليه غير لما الموبايل يعمل فايبريشن و هتلاقى نور نوور بينك و بدأ الريكوفرى و هتعيد الخطوة اللى فوق نضغط انستال و كدا بعد ما ينزل الملف اضغط Restart و بكدا يكون الموبايل 100% روت

و بكدا تقدر تنزل اى روم معدل او لو مش عاوز روم كدا موبايل روت بنسبه 100%

مجموعه رومات معدله او احسنهم

اول روم هتكلم عليه هو روم eXistenZ

و ده يعتبر احسن روم معدل لأاجهزة Z2 

مجموعه صور من الروم



يتميز هذا الروم فى سرعه الاداء مع اقل استهلاك للبطاريه

تطبيق الكاميرا معدل لألتقاط صور احسن فى الظلام مع تحديد اتوماتك لالتقاط الصوربجوده 20.7 ميجا بيكسل
 اى بكامل جودة الكاميرا

حيث انه به ايضا مجموعه من الاضافات مثل تسجيل المكالمات و تغير الشريط العلوى و السفلى و كثير من الخصائص يمكنك اكتشافها بنفسك

الروم الثانى هو X Features

و هو برده روم كويس جدا لأصحاب هواتف الزد 2

صور مجمعه من داخل الروم






و بكدا يكون انتهى شرح موضوع و يارب يكون قدرت افيدكم و اترككم مع روابط التحميل






قريبا درس به جميع الرومات المعدله لأجهزة اكسبيريا زد 2 و اقوى تعديل للكاميرا خلال الايام القادمه انتظرونى 

12 تعليقًا
إرسال تعليق
  1. شكرا على اهتمامك دا .

    ردحذف
    الردود
    1. حبيبى ياباشا اى مشاكل انا فى الخدمة

      حذف
  2. لو سمحت انا غيرت الصيغه لي ftf بس مظهرتش خالص

    ردحذف
    الردود
    1. غير فلاش تول لإصدار قديم شوية ياباشا !!

      حذف
  3. شرح جميل وجاري التجربه

    ردحذف
    الردود
    1. حبيبى ان شاء الله شغال من غير مشاكل !!

      حذف
  4. تسلم ايديك بس رابط super su هو نفسه رابط ركفري

    ردحذف
    الردود
    1. سوف يتم تعديل جميع الروابط يا غالى ان شاء الله

      حذف
  5. ودي صفحه تحمبل للبرنامج
    https://download.chainfire.eu/969/SuperSU/

    ردحذف
  6. وهل فيه شرح لتثبيت eXistenZ
    وجزاك الله خيرا علي الشرح الاكثر من رائع

    ردحذف
    الردود
    1. ان شاء الله ياباشا هعمل شرح تفصيلى بطريقة التنزيل

      حذف

إرسال تعليق

تذكر قوله تعالى
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ )) ‏

الان يمكنك اضافة اي مقطع فيديو الى التعليقات وايضا اضافة الصور فقط ضع رابط الصور او مقطع الفيديو في التعليقات

آرائكم تسعدنا، لمتابعة التعليق حتى نرد عليك فقط ضع إشارة على إعلامي

الاسمبريد إلكترونيرسالة

تم اكتشاف مانع الأعلانات

من فضلك قم بتعطيل أداة مانع الأعلانات أدبلوك AdBlock من المتصفح للدخول لمدونة أردرويد أو يمكنك أستخدم متصفح أخر وشكرا لك :)

مدونة أردرويد تعتمد فقط على الأعلانات كمصدر لدخلها و هى لا تحتوى على اعلانات منبثقة او مزعجة لذلك نرجو منك تفهم الأمر بدون أنزعاج وشكرا لك :)

×