8107339487713063
recent
أخبار ساخنة

اييه اللى هيحصل لأكونت الفيس بوك بتاعك لما تموت ؟

الخط

اييه اللى هيحصل لأكونت لبفيس بوك بتاعك لما تموت ؟



بسم الله الرحمن الرحيم

الناس بقت تستخدم بروفايل الفيسبوك كأنه معرض حياتها .. اللي تلاقيه زي الفنان (محمد كريم)  وعاوز يعرّف مُتابعينُه
بكل خطوة بيعملها ويقعد يكتب بوستات يـ Chick in فيها بكل مكان بيروحه .. والسرسجيّة وسواقين التكاتِك
ودول بقي أسوء فصيلة ممكن تقابلها ع الفيسبوك  تلاقيه يكتب لك: " الصُحاب مشيت لما الباقة خلصت
أو صاحبك لو باعك يغنيك عنُه دِراعَك " وأصناف كتير جداً بتشجينا بحِكَم عن الحياة بما يتفتق عنهم ذهنهم الكريم
 وخيالهم الواسع  ناس كده يبقي ناقص تقول لـ غاندي : قوم وإحنا نقعد مكانك 
لكن فيه سؤال مهم
 لازم ييجي في بالك! وهوا : لمّا تموت هيحصل إيه لبروفايلك؟ 

اللي هوا بأفتراض يعني أنك حد من الناس اللي بتكتب حاجات مهمة علي بروفايلاتها ومبيسرسَجوش زي الأصناف
 اللي فوق دي 
وطبعاً معارف الفقيد -حضرتك وحضرتي مستقبلاً يعني- بينقسموا لأنواع كتيرة ..

اللي بيبقي عاوز إدارة الفيسبوك تقفل الحساب خالص علشان ده حد توفي فحسابُه لازم يتدفن في المقبرة_الألكترونية ومحدش يشوفه تاني -دول تحس أنهم غيرانين من اللايكات اللي علي صِوَرُه مثلاً أو عدد المتابعين- ،
 ونوع تاني اللي بيبقوا عاوزين الحساب يفضل موجود علي أساس إنها حاجه من ريحة المرحوم وكده الناس تقعد تختار
وتلعب في خصوصية الحساب والمرحوم نفسه ياكلُه قطر .. هوا هيقرفهم وهوا صاحي و وهوا ميت كمان! 

المهم .. فـ مارك زوكربيرج عمل حاجه حلوه خالص .. هُما 4 حاجات مش حاجة واحدة 

 سيب بصمتك في بروفايلك :

ودي عن طريق تطبيق ع الفيسبوك أسمه ( لو مُتّ - If I die ) وده بيخلي الشخص يختار بين أنه يكتب رسالة مثلاً أو يسجل ڤيديو -وهوا عايش طبعاً- يكون فيه مثلاً حاجة عاوز يقولها لأصدقاءه والمتابعين ، والفيسبوك مبينشرش الڤيديو أو الرسالة دي إلا لما بيجيلُه إشعار بالنشر من 3 أشخاص بتكون أخترتهم قبل كده ، بعد ما بيجيبوا إثبات أنك مُتت ..
رابط التطبيق : http://bit.ly/2egax5D


 ورّث حسابك لحَد ومتبقاش بخيل :

زي ما الناس بتورّث بيتوها وأطيانها بعد ما تموت فـ الفيسبوك بيتيح لك أنك تختار حد من أصدقائك أو معارفك علي الفيسبوك وتورثُه حسابك .. مش تورَثُه حسابك يعني ياخد المتابعين اللي عندك ليه ويوزّع اللايكات اللي عندك علي بروفايلُه ولا حاجه 
* كل ما فيها أنك بتختار حد وتحطُه في حاجه أسمها ( Legacy Contact ) ودي بتبقي جهة أتصال موثوقة تقدر أنها تتحكم في إيميلك بس مش بشكل كلي التحكم هيكون مقتصر علي 3 حاجات بس :
- كتابة منشور في الـ Timeline عندك
- تغيير صورة البروفايل وصورة الغلاف
- هيقدر أنه يقبل طلبات الصداقة ، ودي مش عارف إيه لزمتها أنك تكون ميت ويجيلك طلبات صداقة وحد يقبلها بالنيابة عنك! طيب ما يكلمهم بالنيابة عنك بالمرة! 
لو هتضيف حد : http://bit.ly/2ddUTM7


 أرشَف حسابك وذكرياتك :

ودي من خلالها الفيسبوك بيمكن قرايبك -بعد ما يثبتوا أنهم قرايبك- أنهم يقدموا طلب بأنهم عاوزين الحساب يتجمد ويفضل موجود علشان يبقي ذكري خالدة بقي وكده ، وفي نفس الوقت بتتعرض كلمة ( Remembering - للذكري ) فوق أسم حسابك علشان يبقي معروف إن ده للذكري الهباب وأيام العذاب وكده 
النموذج اللي بيتملي : http://bit.ly/2egbZoJ


 أحذف حسابك وأرتاح وريحنا :

ودي من خلال أن قرايبك بيملوا أستمارة طلب حذف للحساب ، بعد ما بيثبتوا أنهم قرايبك -برضو- ويقدموا حاجة تثبت أنك توفيت وزمن الوفاة -شهادة وفاة مثلاً- وبعد ما يتم التحقق بيتحذف الحساب 
علشان تقفل حسابك وتريحنا : http://bit.ly/2dV7HZz

---
دي كانت الأختيارات اللي الفيسبوك بيتيحها ليك علشان لمّا تفكر تموت ولا حاجة 

ليست هناك تعليقات
إرسال تعليق

إرسال تعليق

تذكر قوله تعالى
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ )) ‏

الان يمكنك اضافة اي مقطع فيديو الى التعليقات وايضا اضافة الصور فقط ضع رابط الصور او مقطع الفيديو في التعليقات

آرائكم تسعدنا، لمتابعة التعليق حتى نرد عليك فقط ضع إشارة على إعلامي

نموذج الاتصال
الاسمبريد إلكترونيرسالة

تم اكتشاف مانع الأعلانات

من فضلك قم بتعطيل أداة مانع الأعلانات أدبلوك AdBlock من المتصفح للدخول لمدونة أردرويد أو يمكنك أستخدم متصفح أخر وشكرا لك :)

مدونة أردرويد تعتمد فقط على الأعلانات كمصدر لدخلها و هى لا تحتوى على اعلانات منبثقة او مزعجة لذلك نرجو منك تفهم الأمر بدون أنزعاج وشكرا لك :)

×