بتدوس على كام زرار فى الكى بورد فى اليوم ؟

بتدوس على كام زرار فى الكى بورد فى اليوم ؟

    بتدوس على كام زرار فى الكى بورد فى اليوم ؟



    بسم الله الرحمن الرحيم


    عمرك سألت نفسك بتضغط علي زراير الكيبورد كام مرة في اليوم؟ طيب تصدَق لو قلت لك إن المنشور ده علشان أكتبُه دوست علي حوالي 2300 زرار من زراير الكيبورد؟ دا طبعاً لو محسبناش إن فيه كلمات كتير أتكتبت وبعدين
     أتمسحت تاني فـ خرجت برَه الحِسبَة! 

    نرجع لسؤالنا .. كام مرَة بتدوس علي زراير الكيبورد في اليوم؟ 

    أفضل طريقة لو عاوز تحسبها بنفسك إنك تنزّل برنامج زي (WhatPulse) البرنامج ده بيحسب لك كام مرّة ضغطت علي زراير الكيبورد وكام مرّة دوست علي زراير الماوس وكام المسافة اللي الماوس بتاعك بيقطعها علي الشاشة
     أثناء أستخدامك للكمبيوتر ..


    عامةً النسبة مش هتكون ثابتة وهيكون فيها تفاوت جامد ؛ لأنك مش هتجيب لي واحد طول اليوم بيعمل (Scroll down) بالماوس في الفيسبوك وآخر أستخدامه للكيبورد علشان يكتب كومنت زي "خلصانة_بشياكة" أو "أحلي_مسا_عليك"
     لواحد زيي مثلاً طبيعة شغلُه بتجبرُه يستخدم الكمبيوتر كل يوم في متوسط 10 ساعات شغل متواصلين!  لازم
    هيكون فيه فرق كبير .. لكن في العادي الناس اللي شغلهم مكتبي وكتابة وخِلافه بيدوسوا علي زراير الكيبورد
     من 5.000 لـ 10.000 في اليوم! وكمان بيدوسوا علي زراير الماوس من 1500 لـ 3000 مرّة .. وده رقم كبير برضو! 
    وأكيد الـ 5 أو 10 آلاف ضغطة علي الكيبورد دول مبيكونوش متساويين علي زراير الكيبورد! يعني فيه حروف
    بيتم أستخدامها أكتر من التانية .. بالأصح فيه حروف بتتفعص أكتر من غيرها 
    في حالة اللغة الأنجليزية فـ أكتر حرف بيتم الضغط عليه هوا حرف الـ E وطبعاً مع أختلاف اللغات هتلاقي الحرف اللي
     (بيتفعص أكتر) متغير عنه في اللغة التانية .. وعلشان تعرف إيه أكتر حرف بتضغط عليه فـ موقع (patrick-wied)
     بيعرض لك لوحة مفاتيح وصندوق للكتابة بتكتب فيه أي نص وهوا بيعرض لك خريطة حرارية من خلالها تقدر تعرف أنهي حرف بتدوس عليه أكتر .. 

    والزرار الأكثر أستخداماً بقي غير الـ E هوا زرار المسافة .. الـ ( ) يعني  ليه؟
    بتسألني ليه؟ هقول لك ليه!  

    لو أفترضنا إن فيه 350 مليون بني آدم بيكتبوا في اليوم من 5 لـ 10 آلاف حرف في اليوم علي الكمبيوتر -
    زي المنشور اللي بتكتبه ده - وضيفنا عليهم عدد الرسائل اللي بتتبعت كل يوم فـ نفدر نقول إنه كل ثانية واحدة
    بيتم الضغط علي زرار المسافة حوالي 600 ألف مرّة 


    لأن الضغط عليه مبياخدش منك 1/10 (عُشر) الثانية وتكون ضغطت عليه زي كده  وكمان كده >> 

    مدونة أردرويد
    @مرسلة بواسطة
    كاتب ومحرر اخبار اعمل في موقع مدونة أردرويد .

    ردد معي : ربنا اغفر لى و لوالدى و للمؤمنين يوم يقوم الحساب

    مشاهدة التعليقات

    إرسال تعليق

    تم اكتشاف مانع الأعلانات

    من فضلك قم بتعطيل أداة مانع الأعلانات أدبلوك AdBlock من المتصفح للدخول لمدونة أردرويد أو يمكنك أستخدم متصفح أخر وشكرا لك :)

    مدونة أردرويد تعتمد فقط على الأعلانات كمصدر لدخلها و هى لا تحتوى على اعلانات منبثقة او مزعجة لذلك نرجو منك تفهم الأمر بدون أنزعاج وشكرا لك :)

    ×