8107339487713063
recent
أخبار ساخنة

كل حاجة محتاج تعرفها عن ال QR Code

الخط

كل حاجة محتاج تعرفها عن ال QR Code



بسم الله الرحمن الرحيم

اليابان سنة 1994*
أحد مكاتب شركة Denso Wave لموظفين مسئولين عن فرز قطع غيار سيارات تويوتا و تصنيفها
 حسب مكان التجميع و التصنيع (شغلانة الفرز دى بنت كلب.. اسألنى انا)
المهم.. من بين هؤلاء الموظفين اليابانيين واحد "علوضعه  " اقترح تصميم ملصقات مختصرة مشفرة تحتوى
 على بيانات القطع و السيارات الخاصة بالشركة، و تزويد منافذ التوزيع بأجهزة لقراءة هذه الملصقات بشكل فوري،
 
و هو ما أسموه "QRコード"

 بس احنا بنقول عليه QR Code 
و لأن اليابانيين لا يكتفون بأن يكونوا "علوضعهم"؛ و إنما لابد أن يكونوا "مرسومين" و "على جميع أوضاعهم"..
 قاموا بنشر رخصة الكود "مجانا" (ببلاش يعنى ) دون أي قيود أو شروط للاستخدام.. مسم.. ناس محترمة و الله 
---

*مصر سنة 2016 من كام يوم كدة...*

شاب يرتدى نظارة طبية و تبدو عليه أمارات البؤس و الاكتئاب (اللى هو انا يعنى ) 
---
*مصر دلوقتى!  *
نفس الشاب البائس الحزين أبو نضارة كعب كباية اكتشف إنه مقالش للناس البتاع دا عبارة عن إيه و قاعد بيشرحه دلوقتى 
------------

بعد الكلام الفصيح دا، و السيناريو العاتشفي اللى انت اتخنقت منه دا.. نيجى بقى لكلام العربجية
 بتاعنا اللى احنا واخدين عليه! 
إيه يسطا الـQR Code دا؟

بص يا دهشان.. الـQR code دا اختصار لكلمة Quick Response Code، (أو كود الاستجابة السريعة)..
و الكود دا بيكون عبارة عن رمز معين فيه بيانات معينة أو عنوان معين على الإنترنت أو نص معين
أو رقم تليفون أو عنوان أو أي حاجة يعنى! 
بيتكون من إيه الكود دا يعنى؟
بيتكون من مربعات يا دهشان!! انت مش شايف يعنى؟  بس مش أي مربعات؛ المربعات دى أهم من مربعات
الجبنة الكيرى و على الرغم من إنها مربعات إلا إن لها معانى عميقة.. عميقة أوى 
--

الكود دا علشان تستفيد منه بتحمل أي أبلكيشن يقرأ النوع دا من الأكواد، و كل اللى بتعمله هو إنك بتوجه الكاميرا
 بتاعة الموبايل للكود (كأنك بتصوره و كدة) و الأبلكيشن بيقرأ المربعات دى و يترجمها لنص أو رقم
أو يفتحلك صفحة ويب أو أي كلام من ده.. جرب كدة تعمل Scan للكود اللى فى الصورة! 
--

الكود دا بقى يا رياسة بيتكون من مربعات بأشكال و أحجام مختلفة (خدت بالك طبعا ) أهمها المربعات دى:
- أكبر 3 مربعات (اللى حواليهم مربعات تانية) اسمهم Positioning (اسمها بالعربي "التَّمَوضُع" )
و دا شغلانته إنه بيحدد للأبلكيشن مكان و معالم الكود، و بيبين الكود منين لفين بالظبط 
- فى مربعات تانية بنفس الشكل لكن أصغر شوية إسمها Alignment (أو المحاذاة).. مش عارف
مين اللى شار على الناس دى تترجم المصطلحات التقنية 

المهم يا سيدى إن المربعات دى وظيفتها إنها تعرف الأبلكيشن اللى انت بتعمل منه الـScan اتجاه الكود ازاى،
 و دا علشان الكود يتقرأ بأي اتجاه بغض النظر عن الزاوية اللى بتقرأه بيها
- باقى المربعات بتكون باقى محتوى الكود، و علشان تعرف مدى ذكاء الناس اللى عملت الكود
دا خلوا الكود مكتوب بطريقة يقدر منها الأبلكيشن يعرف يعوض أي جزء يبوظ أو يتمسح من الكود،
 و دا اللى بييسموه Reed–Solomon error correction algorithm، أو "خوارزمية ريد و
سليمان لتصحيح الأخطاء" و تصليح زجاج السيارات ناس كفار ولاد كلب يعنى 
و دا بيخلى ناس كتير تعمل QR codes و عليها صورة أو كلام فى النص كنوع من الدعاية و الصياعة و كدة 
----

الـQR codes دى بقى موجود منها 40 إصدار.. أررررررربعين!! 
آه و ربنا زمبئولك كدة  ؛ أصلهم لقوا الناس حبته فساقوا فيها بقى 

أكبر محتوى للـQR code (اللى هو Version 40 طبعا) بيكون 7089 رقم (Numeric) (من 1 لـ9)،
 أو 4296 حرف و رقم (Alphanumeric  )
---------

استخدامات الـQr code بقى لا تعد ولا تحصى؛ عندك على سبيل المثال لا الحصر:
- الإعلانات (زي ورقة الشيكولاتة أو الشامبو أو...  )
- التأكد من إن المنتجات أصلية (الشواحن و البطاريات و قطع الغيار الأصلية بيكون عليها QR code
لما بتمسحه بيدخلك على صفحة فيها السيريال نمبر بتاع الجهاز اللى انت شاريه و يقولك إذا كان أصلي أو لأ)
- التبرعات (كود بتعمله Scan و بتتبرع بمبلغ معين لحساب معين) 
- تأشيرات السفر (بيكون فيها كل البيانات بتاعتك تقريبا)
- تسجيل الدخول للمواقع (زي الواتس مثلا)، كمان جوجل كانت بتجرب الموضوع دا من 2012 علشان
 تسجل دخولك من غير باسورد ولا حاجة
- لدرجة ان فى اليابان فى شركة بتعمل رخام مقابر عليه QR code فيه السيرة الذاتية للزبون اللى نايم جوا 

ليست هناك تعليقات
إرسال تعليق

إرسال تعليق

تذكر قوله تعالى
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ )) ‏

الان يمكنك اضافة اي مقطع فيديو الى التعليقات وايضا اضافة الصور فقط ضع رابط الصور او مقطع الفيديو في التعليقات

آرائكم تسعدنا، لمتابعة التعليق حتى نرد عليك فقط ضع إشارة على إعلامي

نموذج الاتصال
الاسمبريد إلكترونيرسالة

تم اكتشاف مانع الأعلانات

من فضلك قم بتعطيل أداة مانع الأعلانات أدبلوك AdBlock من المتصفح للدخول لمدونة أردرويد أو يمكنك أستخدم متصفح أخر وشكرا لك :)

مدونة أردرويد تعتمد فقط على الأعلانات كمصدر لدخلها و هى لا تحتوى على اعلانات منبثقة او مزعجة لذلك نرجو منك تفهم الأمر بدون أنزعاج وشكرا لك :)

×