8107339487713063
recent
أخبار ساخنة

ايه الحكمة من لخبطة الحروف فى لوحة المفاتيح ؟

الخط

ايه الحكمة من لخبطة الحروف فى لوحة المفاتيح




و بمناسبة البحث اللى مطلوب منى و الكتابة و القرف دا، حد فكر قبل كدة ليه ترتيب أزرار الكيبورد كدة كدة ازاى؟
- الكيبورد اللى بيكتب بيه 90% مننا دلوقتى ترتيب الحروف فيه غير ترتيبها الأبجدي الطبيعي.. يعنى مش ABCDE...
و مش "أ ب ت ث"، و دا اللى بيسموه QWERTY Keyboard، و دا تبعا لترتيب أول 6 حروف فوق على الشمال.

- أما لو هنتكلم عن العربي هتلاقى الكيبورد بترتيبة "كمنت شسيب" 
سمعت انت البتاع دا قبل كدة. صح؟ 
- لو انت من الناس اللى بيكتبوا من غير ما يبصوا على الكيبورد (دا لو يعنى 
هتلاقى إن دى أماكن صوابعك على الزراير، و اللى بتلف و ترجع تحط صوابعك عليها 
طيب ليه الكيبورد اترتبت كدة أصلا؟ 
- الموضوع دا قديم جدا، من أيام الآلة الكاتبة لو تعرفها؛ 
هقولكوا قصة اختراع الآلة الكاتبة من الأول خالص 

- فى البداية ظهرت الطباعة فى إيطاليا فى القرن الـ16 (تحديدا سنة 1575) بطريقة شيبهة بالختم
 اللى احنا بنستعمله دلوقتى (بيرصوا مكعبات عليها حروف معكوسة و يدهنوها حبر و يطبعوا على الورق 
- بعد كدة بدأت اختراعات تانية شبيهة تظهر فى إيطاليا و غيرها من الدول، أبرزها قصة ظريفة
شبيهة بقصة الشاطر حسن و الأميرة سميحة 

- الشاطر حسن دا بقى يا سيدى راجل مخترع إسمه "تشالز ثربر" بيعتبروه المخترع
الفعلي للآلة الكاتبة؛ و علشان إسمه مقرف زيه هنقول عليه الشاطر حسن 

- أما الأميرة سميحة دى أميرة فعلا صديقته، و كانت كفيفة و بتتواصل مع اصحابها عن طريق الرسايل
 (حمام زاجل بقى و بتاع). و لأنها كانت مبتعرفش تشوف كان حد من اللى شغالين فى القصر بيقرأ لها الجوابات،
 و بتمليه الجوابات اللى بترد بيها؛ و دا طبعا وضع مش مريح و كان بيغُزّ خصوصيتها فى مقتل
 و كمان مكانتش بتعرف إذا كان اللى بتمليه دا بيكتب اللى هى عاوزاه ولا بيشتغلها و بيكتب أي كلام
- و كانت بتشتكى للشاطر حسن من كدة (اللى هو عمك الحاج تشارلز )، كمان سميحة كانت بتحب البيانو جدا، فهو استغل الموضوع دا و عملها حاجة زي البيانو، و رص عليها الحروف من A لـZ بالترتيب علشان تقدر تكتب رسايلها بنفسها.
- لكن الآلة الكاتبة دى كان عاملها من بيانو قديم، و دا معناه إن نقله كان صعب جدا؛ لذلك حاول يعملها بنفس الترتيب
 اللى كان عامله لكن على صفين (بدل صف واحد)، و لما لقاها لسة كبيرة برضو
و غبية عمل صف تالت (برضو بنفس الترتيب من A لـZ)

- لكن لأن الأيام مفيش أقل منها بركة الراجل مات و ساب الاختراع العظيم دا كدة
و فضلت الناس تستعمله زي ما هو من غير أي تعديل
- فى أواخر القرن الـ19 كان استخدام الآلة الكاتبة منتشر جدا فى الجرايد؛ لكن الآلة الكاتبة زي ما احنا عارفين
 (أو مش عارفين.. قشطة يعنى بيبقى فيها تروس و دراعات كدة هى اللى بتطبع، و بالشكل بتاع الشاطر حسن كانت الحروف اللى بتستخدم كتير فى صف واحد، و على الرغم إن الكتابة على الآلات الكاتبة كانت أسهل بكتير.. إلا إن التروس دى كانت بتتحشر و تعض فى بعضها لو كتبت بسرعة؛ و دا طبعا كان بيأثر على سرعة الكتابة
(تخيل انهم كانوا بيوصفوا الآلة الكاتبة انها بتعلم الكسل علشان السبب دا بالذات؟ 

كنت لو كتبت بسرعة تروح التروس متشنكلة فى بعضها و متشتغلش تقوم انت تكتب بالرااااااااااحة 
- فى سبعينيات القرن الـ19، كان فى واحد صحفي و كاتب آلة كاتبة إسمه "شولز" قرف من الموضوع دا،
 و بالتعاون مع واحد صاحبه إسمه "جليدن" عملوا أول آلة كاتبة بالشكل اللى احنا نعرفه دا. 

- الآلة الكاتبة دى كان هدفها بس إنها تبعد المفاتيح اللى بتستعمل كتير عن بعضها علشان متتحشرش،
 و على الرغم من الرفض الشديد للناس لفكرة تغيير أماكن الحروف ، و إن كدة الكتابة هتكون أبطأ و بتاع..
 إلا إنهم لقوا إنهم بعد فترة قصيرة زادت سرعة الكتابة معاهم كتير جدا عن الأول لأنهم بقوا بيكتبوا بافترا ،
 بل إن الآلات الكاتبة بعد ما كانت بتتحشر مرتين تلاتة فى كل ورقة بقت مبتتحشرش خالص. 
--
- بعد فترة كبيرة (بتاع 100 سنة كدة ) ظهر الكمبيوتر، و ظهر الكيبورد؛ و لأن الموظفين كانوا متعودين على استخدام الآلة الكاتبة بتاعة "شولز" بقالهم 100 سنة، صمموا الكمبيوتر بنفس ترتيبة الـQWERTY دى،
و لسة بنستخدمه بالشكل دا لغاية النهاردة
(حتى مع ظهور الموبايل اللى مفهوش تروس ولا زراير ولا أي حاجة من دول خالص  )
-
- و باختلاف استخدام الحروف فى اللغات المختلفة، ظهر أشكال كتير للكيبورد زي AZERTY فى فرنسا و بلجيكا،
و QWERTZ فى ألمانيا، و QZERTY فى إيطاليا (كان لازم حد يتغابى عليهم برضو :)
دا كله طبعا تبع انتشار الآلة الكاتبة و استخدام الحروف فى لغات الأماكن دى 
--
- حديثا ظهر ترتيب جديد إسمه Dvorak "
- المهم إن الكيبورد دا اتعمل علشان يسرع من الكتابة، و فكرته انه عمل عكس عمك "شولز"..
 جمع الحروف اللى بتستخدم كتير جنب بعضها فى صف واحد.. ما هم معادوش هيتحشروا 
ودى صورة للنوع دا و معاه عيوبه، علشان يبقى الشرح على الصورة 


يارب تكونو استفدتو و نلتقى فى شرح اخر ان شاء الله

ليست هناك تعليقات
إرسال تعليق

إرسال تعليق

تذكر قوله تعالى
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ )) ‏

الان يمكنك اضافة اي مقطع فيديو الى التعليقات وايضا اضافة الصور فقط ضع رابط الصور او مقطع الفيديو في التعليقات

آرائكم تسعدنا، لمتابعة التعليق حتى نرد عليك فقط ضع إشارة على إعلامي

نموذج الاتصال
الاسمبريد إلكترونيرسالة

تم اكتشاف مانع الأعلانات

من فضلك قم بتعطيل أداة مانع الأعلانات أدبلوك AdBlock من المتصفح للدخول لمدونة أردرويد أو يمكنك أستخدم متصفح أخر وشكرا لك :)

مدونة أردرويد تعتمد فقط على الأعلانات كمصدر لدخلها و هى لا تحتوى على اعلانات منبثقة او مزعجة لذلك نرجو منك تفهم الأمر بدون أنزعاج وشكرا لك :)

×