ما هو الفرق بين شاشات 1080i و شاشات 1080p

ما هو الفرق بين شاشات 1080i و شاشات 1080p

    ما هو الفرق بين شاشات 1080i و شاشات 1080p


    بسم الله الرحمن الرحيم

    اخواتى و احبائى فى الله متابعين مدونة أندرويد العرب 

    فى هذا الموضوع سوف نستعرض معا ما هو الفرق بين شاشات 1080i و شاشات 1080p

    معظمنا دلوقتى بيستخدم تليفزيونات و شاشات دقتها 1920*1080 (أو أكتر لو كنت من رموز الإقطاع فى البلد و كدة)

    المهم إن كلامنا عن شاشات الـ1920*1080...
    انت تعرف إن الشاشات دى نوعين؟!

    فى أي شاشة فى الدنيا هتلاقى إن الفيديو اللي انت بتشوفه بيتحرك دا، بيتكون من عدد كبير (جدا) من الصور
     ( و بيسموها Frames ) ، و الصور دى بتتحرك ورا بعض بسرعة كبيرة علشان تديك إيحاء بالحركة...

    بس المشكلة إن الصور دى مبتتعرضش كلها مرة واحدة، لكن الـFrame الواحد بيتقسم شرايط بالعرض و بيتعرض على أجزاء

    حكاية تقسيم الـFrames و عرضها دى بتتعمل بطريقتين مختلفين، واحدة منهم اسمها 1080P و واحدة اسمها 1080i 

    نتكلم عن النوع الأول بقى اللي اسمه 1080i، أو 1080 Interlacing Scan... 


    فى النوع دا لو فرضنا إن الـFrame الواحد بيتقسم 100 شرايط تحت بعض، هتلاقى إن الشرايط
     اللي أرقامها 1 و 3 و 5 و 7 و 9 بتتعرض مع بعض كـFrame
     و الشرايط 2 و 4 و 6 و 8 و 10 بتتعرض مع بعض كـFrame تاني

    بمعنى إن لو الـFrame rate بتاعك 60 FPS هتلاقى كل شريط من دول بيتغير 30 مرة فى الثانية

    النوع التاني بقى 1080P، أو 1080 Progressive Scanning... 


    فى النوع دا الشاشة بتتقسم شرايط برضو و كل حاجة، لكن بدل ما الشرايط الفردية تتغير مع بعض و الشرايط الزوجية
    تتغير مع بعض زي النوع اللي فات، هتلاقى إن الـScanning أو تغير الصورة فى الشرايط دى بيحصل بالترتيب..
     يعنى 1، 2، 3، 4.... لغاية ما الصورة كلها تتعرض

    فى النوع دا الصورة بتتغير فى كل شريط من دول بنفس الـFrame Rate اللي انت شغال بيه...
     يعنى لو انت شغال بـ60 FPS هتلاقى كل شريط من دول بيتغير 60 مرة فى الدقيقة

    طيب إيه الأفضل من النوعين دول؟ 


    الأفضل 1080P طبعا؛ لذلك بيسموه Full HD أو True HD علشان يفرقوه من الــ1080i

    لكن خلينا نتكلم بواقعية شوية.. انت لو عندك أي شاشة أصغر من 42 بوصة هتلاقى الاتنين واحد بالظبط،
     أما لو شاشتك أكبر من 42 بوصة، هتحس بفرق فى تقنية العرض دى

    طيب.. لما محدش بيحس بفرق لو شاشته أقل من 42 بوصة، أنا كاتب الكلام دا ليه و تاعبك
     و واخد من وقتك علشان تقرأه ؟ معظم الشركات اللى بتصنع الرسيفرات و أجهزة العرض المنزلية بتخليها
    تشتغل بتقنية عرض 1080ii؛ و دا لأنها بتوفر كتير فى تكلفة التصنيع، و مبتحتاجش معالجات رسوم قوية زي 1080P
     كمان لو عندك جهاز عرض فيديو بيشتغل بالإنترنت هتكون تقنية 1080i أوفر بكتير فى استهلاك باقات الإنترنت
     كمان ممكن تشتغل على خطوط نت بسرعات أبطأ نسبيا

    أيوة برضو.. أنا دخلى إيه بالكلام دا؟


    دخلك يا سيدى إن لو التليفزيون بتاعك بيشتغل بتقنية عرض غير اللى الريسيفر
     بيدعمها هتلاقى مشاكل كتير و بكسلة فى الصورة

    خلاصة الموضوع


    - تقنية عرض 1080P أفضل من 1080i لأنها بتديك Frame ratee أعلى و أداء أفضل فى المشاهد
    اللى فيها حركة كتير

    - على الجانب الآخر هتلاقى إن 1080ii منتشرة أكتر لأنها أوفر فى تكلفة التصنيع و متطلباتها من الهاردوير
     تعتبر قليلة نسبيا بالمقارنة بـ1080i

    - لو عندك تليفزيون HDD و ريسيفر حاول تخلى تقنية العرض واحدة فى الاتنين علشان تعرف
     تتفرج على "سلسال الدم" من غير مشاكل فى الصورة 

    مدونة أردرويد
    @مرسلة بواسطة
    كاتب ومحرر اخبار اعمل في موقع مدونة أردرويد .

    ردد معي : ربنا اغفر لى و لوالدى و للمؤمنين يوم يقوم الحساب

    مشاهدة التعليقات

    إرسال تعليق

    تم اكتشاف مانع الأعلانات

    من فضلك قم بتعطيل أداة مانع الأعلانات أدبلوك AdBlock من المتصفح للدخول لمدونة أردرويد أو يمكنك أستخدم متصفح أخر وشكرا لك :)

    مدونة أردرويد تعتمد فقط على الأعلانات كمصدر لدخلها و هى لا تحتوى على اعلانات منبثقة او مزعجة لذلك نرجو منك تفهم الأمر بدون أنزعاج وشكرا لك :)

    ×