8107339487713063
recent
أخبار ساخنة

ليه دلوقتى بقى يظهر هواتف بكاميراتين ؟

الخط






السلام عليكم و رحمه الله و بركاته

اخواتى و احبائى فى الله متابعين مدونة أردرويد

موبايلات كتير جدا نزلت فى 2016 و 2017 بكاميرتين من ورا (أو قدام قى حالة LG V10)
 لكن ليه الموبايلات دى اتعملت بكاميرتين أصلا؟! ما طول عمرنا شغالين بكاميرا واحدة..
هل الكاميرتين دول بيفرقوا فى حاجة ولا هي زيادة مصاريف و خلاص؟! 

- فكرة الكاميرتين ظهرت لأول مرة سنة 2011 فى موبايل اسمه LG Optimus 3D،
 و كان توظيف الكاميرتين دول ظريف جدا و غبي جدا فى نفس الوقت

الكاميرتين دول كانوا بيستخدموا فى تصوير أي حاجة بحيث تقدر تشوفها بنضارة 3D
(الصور اللى كانت أحمر فى أزرق دى)، لكن طبعا الموضوع دا كان مش عملي بالمرة لأن محدش كان
محتاج الموضوع دا أيامها أد كدة، بالإضافة لإن الكاميرتين مكانوش بيعملوا أي حاجة غير كدة! 

فى نفس ذات الشهر شركة HTC عملت موبايل بنفس النظام بالظبط اسمه HTC EVO... كان أخوه التوأم بعدها فى 2014، شركة HTC أعلنت عن HTC One M8، و اللى كان بيجى بكاميرتين...
كاميرا بمستشعر كبير 4 ميجابيكسل بتكنولوجيا Ultrapixel، و واحد تاني أي كلام كدة محطوط فوق علشان يديك
 إمكانية إنك تضيف تفاصيل و مؤثرات أكتر على خلفية الصورة أو إنك تزود درجة العزل بين الحاجة
 اللى بتصورها و الخلفية اللى وراها، بس دا انتشر انتشار كبير، و بعدها HTC مكررتهاش تاني
 و أعلنت عن الـM9 اللى بيشتغل بكاميرا واحدة، و اللى حقق فَشَل مُخزي الصراحة 


شركة Huawei استخدمت نفس الموضوع فى موبايل Huawei GR5 20177
 بس اعمل إنك متعرفش
 فى 2015، شركة LG رجعت للعبة تاني، و حطت كاميرتين أماميتين فى موبايلها LG V20
 لكن دول وظيفتهم كانت مختلفة عن الموبايلين اللى فاتوا، و كانت الفكرة إن كاميرا منهم بعدسة
 زاويتها ضيقة، و كاميرا تانية بعدسة زاريتها واسعة... الكلام دا أيام ما كان العالم كله منخَرِط
بعُنف فى موضوع السيلفى و كدة... يعنى إيه "مُنخَرِط" دى؟


- فى 2016، رجعت LG و كررت الموضوع تاني فى الـG5، بس المرة دى حطت الكاميرتين فى ضهر الموبايل
و خلوهم بنفس الفكرة.. كاميرا بعدسة زاويتها ضيقة للمشاهد اللى محتاجة تفاصيل كتير،
و كاميرا بزاوية واسعة للمشاهد الواسعة... الشركة كررت الموضوع فى الـV20 و الـG6، و الله أعلم هتعمل فينا إيه تاني

- فى نفس ذات الـ2016، شركة Huawei أعلنت عن أول موبايل (أو موبايلين)
ليها بكاميرتين، Huawei P9 و P9 plus، و فكرة الكاميرتين مختلفة عن الحاجات اللى فاتت دى برضو!
فكرة Huawei هي إنها تديك أكبر قدر من تفاصيل الصورة و أداء أفضل فى الإضاءة الضعيفة
لذلك حطت مستشعرين كاميرا فى الموبايل... واحد منهم بيصور أبيض و أسود و التاني بيصور ألوان،
و بدمج الصورتين دول مع بعض بتلاقي عندك صورة فيها تفاصيل كتير جدا و بألوان كويسة... الموضوع الظاهر
 ماشي كويس مع Huawei لغاية دلوقتي؛ لذلك كررت نفس الموضوع مع الـHonor 8 و Mate 9
 و P10 و Honor V8 و البقية تأتى إن شاء الله 

(موبايلات Xiaomi اللي بكاميرتين من ورا كلها شغالة ذنفس النظرية... مفيش إبداع خالص)

- بعدها فى 2016 برضو، جت Apple و "اخترعت" الكاميرتين فى iPhone 7 plus، لكن المرة دى
 بطريقة مختلفة عن كل اللي فات دا برضو... 

نظرية Apple هي إنها تعالج مشكلة كبيرة موجودة فى كل الموبايلات، ألا و هي إن الغالبية العظمى الكاسحة
 من الموبايلات مفيهاش تكبير بصري للصورة؛ لكن لما بتعمل Zoom in كل اللي بيحصل هو إن الموبايل
بياخد جزء من الصورة الأصلية (اللي من غير Zoom) و يكَبَّره؛ لذلك حطت فى الموبايل كاميرتين
 كاميرا بعدسة 28 ملليمتر زي أغلب الموبايلات، و كاميرا تانية بنفس المستشعر و نفس كل حاجة،
لكن فيها عدسة 56 ملليمتر علشان تصور الحاجات البعيدة بنفس الدقة... ملعوبة 
- فى مؤتمر MWC 2017
(اللي كالعادة ماتكلمناش عنه ، شركة Oppo أعلنت عن موبايل اسمه Oppo 5X،
بنفس فكرة iPhone 7 plus، لكن عملوا فيه لعبة حلوة

الموبايل بيجى بمستشعرين كاميرا، الاتنين 13 ميجابيكسل، لكن كاميرا منهم عليها عدسة 288 ملليمتر عادي جدا، و التانية عليها عدسات بتعمل Optical zoom خمس مرات!

 و لأن الموبايل لو اتعمل بالمنظر دا هيبقى سميك بغباء؛ فالشركة عملت حركة ظريفة جدا، و حطت منشور ثلاتي
يعكس الضوء بزاوية 90 درجة، و حطت مستشعر الكاميرا و العدسات اللي قدامه بزاوية 90 درجة برضو
بحيث إن الضوء اللي داخل يوصل لمستشعر الكاميرا، لكن من غير ما الموبايل يبقى سميك بغباء
فى نهاية 2016 و بداية 2017، قابلنا موبايلات من Lenovo و Asus بأربع كاميرات!


لكن الكاميرات دى كلها مش بغرض التصوير... انت بتستخدم كاميرا واحدة علشان تصَوَّر، لكن باقي الكاميرات
 تبع خاصية فى الموبايلات دى اسمها "Tango"، و دا مشروع عاملاه جوجل علشان تقدر تستخدم موبايلك و تعمل واقع مُعَزَّز (Augmented Reality) تقدر من خلاله تتفاعل مع الحاجات اللي حواليك من خلال الموبايل

 الغريب إن لسة شركات موبايلات كبيرة زي سامسونج و موتورولا مفكروش يجربوا
موضوع الكاميرات الكتير دا لغاية دلوقتي...

انت ايه رأيك فى الموضوع ده ؟

ليست هناك تعليقات
إرسال تعليق

إرسال تعليق

تذكر قوله تعالى
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ )) ‏

الان يمكنك اضافة اي مقطع فيديو الى التعليقات وايضا اضافة الصور فقط ضع رابط الصور او مقطع الفيديو في التعليقات

آرائكم تسعدنا، لمتابعة التعليق حتى نرد عليك فقط ضع إشارة على إعلامي

نموذج الاتصال
الاسمبريد إلكترونيرسالة

تم اكتشاف مانع الأعلانات

من فضلك قم بتعطيل أداة مانع الأعلانات أدبلوك AdBlock من المتصفح للدخول لمدونة أردرويد أو يمكنك أستخدم متصفح أخر وشكرا لك :)

مدونة أردرويد تعتمد فقط على الأعلانات كمصدر لدخلها و هى لا تحتوى على اعلانات منبثقة او مزعجة لذلك نرجو منك تفهم الأمر بدون أنزعاج وشكرا لك :)

×