8107339487713063
recent
أخبار ساخنة

كل ما تود معرفته حول Voip

الخط

كل ما تود معرفته حول Voip


بسم الله الرحمن الرحيم

فى الكام يوم اللي فاتوا كنا بنسمع أخبار كتير كلها متمحورة حوالين ما يُسَمَّى بالـ"VOIP"... 
- جهاز تنظيم الاتصالات و شركات الإنترنت قفلوا الـVOIP
- لا الـVOIP شغال يا جماعة 
- لا يا عم الـVOIP بيقطع
- إيه دا؟ تصدق الـVOIP اشتغل تاني؟ 
- لا رجع وقف تاني...

حرفيا مصر كلها مكانش لها سيرة غير الـVOIP طول الكام يوم اللي فاتوا... يعنى إيه بقى VOIP؟ 

كلمة VOIP عبارة عن اختصار لمصطلح Voice Over the Internet Protocol،
 أو "سياسة نقل الصوت عبر الإنترنت"... أيوة بيعمل إيه يعنى؟ 

الـVOIP دا عبارة عن بروتوكول بيسمح لك بإرسال و استقبال البيانات الصوتية عن طريق الإنترنت،
و دى الفكرة اللي اتبنت عليها برامج المحادثات الصوتية زي Skype و Viber و IMO و Soma و غيرها...
 حتى مكالمات الماسنجر و Whatsapp!

طيب ما المفروض إن دى حاجة كويسة و مريحة! بيمنعوها ليه؟!

الـVOIP كان و ما زال بيُستخدَم بشكل كبير فى المكالمات الدولية... اللي يعرف حد فى دولة من دول الخليج
أو أي مكان فى الكوكب ممكن يكلمه ببلاش تقريبا... تفتكر حاجة زي كدة فى مصلحة شبكات الموبايل
 و شركة التليفون الأرضي (بتاعة الحكومة) اللي بيحاسبوك على الدقيقة الدولي بمبالغ تشيب لها الرؤوس؟! أكيد لأ!

طيب جهاز تنظيم الاتصالات موقفه إيه من الموضوع ده؟!

الجهاز المركزي لتنظيم الاتصالات ما أعلنش عن أي حاجة بصورة رسمية لغاية دلوقتي، و خدمات الـVOIP
 لغاية وقت كتابة البوست دا  شغالة عند ناس و ناس لأ، لكن أنا وصلنى مكالمة
على Facebook Messenger من شوية... أينعم أنا مسمعتش الموبايل؛ و بالتالي مردتش
 لكن دا دليل على إن الخدمة شغالة عند الطرف التاني و عندى...

طيب لو الحكومة وقفت الـVOIP، متوقع يكون السبب اللي هيعلنوا عنه إيه؟! 
أقول لك توقعى أنا؟ 

توقعى الشخصي إنهم هيطلعوا يقولوا إن سبب منع خدمات الـVOIP هو إن الإرهابيين بيستخدموه
 فى التخطيط للعمليات الإرهابية و الكلام ده... لكن دا هيحطنا قدام مشكلتين...

الأولى هى إن ممكن يبعت Secure messages على الواتس  و مش هيعرفوا يمسكوهم برضو
 أو يعملوا Secret conversation على Facebook Messenger
أو يخططوا للعمليات الإرهابية على Snapchat حتى! 

أو إنه يكلمه على الموبايل عادي جدا بسعر الدقيقة 14 قرش!  
إلا إذا....

لا لا طبعا... معقولة شركات الاتصالات تكون بتراقب المكالمات؟! انت إزاى تفكيرك يجيبك لحاجة زي كدة؟!
هو احنا لا سمح الله فى دولة من دول العالم التالت اللي مبتحترمش خصوصية و آدمية المواطنين ولا إيه؟!

آه صحيح دا احنا فى دولة من دول العالم التالت مبتحترمش خصوصية الناس... بس برضو! 

أينعم شبكات الاتصالات بتعمل بلاوي سودة لو اتعملت فى أي حتة كان زمان الشركات دى دافعة غرامات بالمليارات
 و بتسرب بيانات العملاء بتوعها بدون أدنى مشكلة، و بتطلع شرايح بنفس أرقامهم لناس تانية مقابل 200 جنيه
 بس برضو! معقولة هيتجسسوا على المكالمات؟! 

لو عاوز رأيى أنا يعنى، هقول لك إن غالبا لو خدمات الـVOIP اتوقفت هيبقى السبب الحقيقي حاجة من الاتنين...
 إما إن شبكات الاتصالات هي المسئول الأول و الأخير عن حاجة زي كدة؛ و دا مفهوم طبعا علشان
 "تشلفط" الناس فى المكالمات الدولية بأسعار خيالية

أو إن أحد عباقرة مجلس الشعب العبقري اقترح الاقتراح العبقري دا فى أحد الجلسات العبقرية اللي بيقترحوا فيها
حلول عبقرية تانية (زي إنهم يعملوا ضريبة 200 جنيه شهريا على استخدام موقع Facebook... اللي هو أصلا أساسا مجاني، و اللي هو بأي حال من الأحوال مش بتاعهم! )

لكن بكرر إن لغاية وقت كتابة البوست دا مفيش أي كلام رسمي عن وقف خدمات الـVOIP من عدمه
 و حتى لو وقفوا الخدمات دى رسميا؛ هنتصرف إن شاء الله مش هنغلب 

بس يا سيدي.. هو دا موضوع الـVOIP من الألف إلى الياء

ليست هناك تعليقات
إرسال تعليق

إرسال تعليق

تذكر قوله تعالى
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ )) ‏

الان يمكنك اضافة اي مقطع فيديو الى التعليقات وايضا اضافة الصور فقط ضع رابط الصور او مقطع الفيديو في التعليقات

آرائكم تسعدنا، لمتابعة التعليق حتى نرد عليك فقط ضع إشارة على إعلامي

نموذج الاتصال
الاسمبريد إلكترونيرسالة

تم اكتشاف مانع الأعلانات

من فضلك قم بتعطيل أداة مانع الأعلانات أدبلوك AdBlock من المتصفح للدخول لمدونة أردرويد أو يمكنك أستخدم متصفح أخر وشكرا لك :)

مدونة أردرويد تعتمد فقط على الأعلانات كمصدر لدخلها و هى لا تحتوى على اعلانات منبثقة او مزعجة لذلك نرجو منك تفهم الأمر بدون أنزعاج وشكرا لك :)

×