8107339487713063
recent
أخبار ساخنة

كل ما تود معرفته حول معالج Intel Core i9

الخط

معالج كور اى 9 , معالج كورi9 , بروسيسور كور اى 9 , بروسيسور كور i9

كل ما تود معرفته حول معالج Intel Core i9


سنة 2008 شركة Intel أعلنت عن سلسلة من المعالجات كانت فاتحة خير على الشركة،
و خلتها تتربع على عرش الشركات المصنعة لمعالجات الكمبيوتر لغاية دلوقتى... السلسلة دى هى سلسلة Core i

سلسلة Core i صدر منها لغاية دلوقتى 7 أجيال، و كان كل جيل بيتكون من 3 فئات من المعالجات:

- معالجات Core i3: و دى الفئة الاقتصادية من معالجات Core ii
 (اقتصادية لأن أسعارها أقل بالنسبة للفئتين التانيين طبعًا)

- معالجات Core i5: و دى معالجات أقوى شوية من معالجات Core i33،
و كان فيها مميزات مش موجودة فى i3 زي الـTurbo Boost اللى لتكلمنا عنه قبل كدة بالتفصيل،
 و دى أسعارها أكبر من i3 شوية

- معالجات Core i7: و دى كانت الفئة العُليا من معالجات Core ii، و كانت الأعلى سعرًا من بين التلاتة،
 و كانت عدد الأنوية فى المعالجات دى بيوصل لغاية 8 أنوية و Turbo Boost و Hyper Threading
و حركات 
لكن السنة دى Intel قررت تضيف عضو جديد للعيلة دى أقوى من التلاتة الباقيين،
 و بعدد أنوية أكبر بكتير من أي واحد فيهم، و سمته Intel Core i9، بس ليه؟!!


مبدئيًا خلينى أقول ل إن معالجات Intel Core i مخصصة بشكل أساسي للاستخدام الشخصي
سواء كنت بتشترى المعالج دا علشان تستخدمه فى شغلك الشخصي، أو لو كنت مصمم أو مبرمج
 أو حتى كنت Gamer و محتاج معاج قوي يشغل الألعاب بتاعتك بكفاءة

لكن جزء كبير من الناس اللى بيشتروا معالجات Core i بيكونوا محتاجين المعالجات دى فى شغل
 الـMedia Production و المونتاج و تصميم الأنيميشن و الشغل التقيل دا، بالإضافة لإن
نفس الكمبيوتر دا هيكون للألعاب و باقى الحاجات التانية كمان...

لكن Intel عندها سلسلة تانية من المعالجات مخصصة للمونتاج و التصميم و الشغل التقيل و الكلام دا أصلًا
 اسمها Intel Xeon، لكن دى عيبها إنها متوافقة مع أنواع معينة من الرام و الـMotherboard
 و كروت الشاشة دا بالإضافة لإن أسعارها و أسعار القطع المتوافقة معاها تَشِيبُ لها الرؤوس شوية! 

و من هنا كان تفكير Intel إنها تعمل مُعالج مناسب للشغل التقيل جدًا دا، و كمان متوافق مع
 الـMotherboards و الرامات اللى بتشتغل مع الجيل الجديد من معالجات Core i
اللى أكيد أرخص من الهاردوير بتاع السيرفرات اللى متوافق مع عائلة Xeon...

معالجات Core i9 الموجودة حاليًا كلها بمعمارية Skylake-X، و عدد الأنوية فى المعالجات اللى نزلت
 و اللى المفروض هتنزل فى خلال السنة دى بيتراوح بين 10 أنوية و 12 و 14 و 16 و انتهاءًا بـ18 نواة فى
 أعلى معالج منهم، و كل المعالجات دى فيها إصدار جديد من Turbo Boost و فيها Hyper Threading!!!!!

يعنى أقل معالج Core i9 (اللى هو 7900X) فيه 20 Threads، و أعلى معالج فى الجيل دا
(اللى هو لغاية دلوقتى 7980X) هيبقى فيه 36 Threads... إحنا مش عايشين يا جماعة 
المهم..
 نيجى للأسعار 
معالج 7900X سعره الرسمي بالصلاة على النبي 10000 دولار... يعنى لو هنحسبها
بالجنيه هيبقى أغلى من اللاب بتاعى 4 مرات! 

و الأسعار بتتدرج لغاية ما توصل 2000 دولار لمعالج Core i9-7980XX... يلا... ربنا على الظالم لو كنت
 فلوسك حاضرة و هتشترى يعنى معالجات Core i9 نزل منها رسميًا معالج واحد الشهر اللى فات و هو 7900X
 أما باقى الموديلات هتنزل إن شاء الله من الربع الأخير من السنة دى... يدينا و يديك طولة العُمر بقى 

ليست هناك تعليقات
إرسال تعليق

إرسال تعليق

تذكر قوله تعالى
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ )) ‏

الان يمكنك اضافة اي مقطع فيديو الى التعليقات وايضا اضافة الصور فقط ضع رابط الصور او مقطع الفيديو في التعليقات

آرائكم تسعدنا، لمتابعة التعليق حتى نرد عليك فقط ضع إشارة على إعلامي

نموذج الاتصال
الاسمبريد إلكترونيرسالة

تم اكتشاف مانع الأعلانات

من فضلك قم بتعطيل أداة مانع الأعلانات أدبلوك AdBlock من المتصفح للدخول لمدونة أردرويد أو يمكنك أستخدم متصفح أخر وشكرا لك :)

مدونة أردرويد تعتمد فقط على الأعلانات كمصدر لدخلها و هى لا تحتوى على اعلانات منبثقة او مزعجة لذلك نرجو منك تفهم الأمر بدون أنزعاج وشكرا لك :)

×