كل ما تود معرفته حول الماسح الضوئى Scanner

كل ما تود معرفته حول الماسح الضوئى Scanner
     الماسح الضوئي للكمبيوتر  , انواع الماسح الضوئي , مميزات الماسح الضوئي , تعريف الماسح الضوئي , الماسح الضوئي للجوال , الماسح الضوئي للاندرويد , الماسح الضوئي اليدوي , الماسح الضوئي للايفون

    كل ما تود معرفته حول الماسح الضوئى Scanner


    من أكتر الحاجات المستفزة إنك تصور ورقة بموبايلك فى ظروف إضاءة مش كويسة و تبعتها لحد،
    و الأقذر من كدة إنك تبعتها له فى شات و الصور تتضغط، و الأقذر من الاتنين إنه يحاول يطبع الصور دى
    فتطلع عبارة عن شوية بيكسلات و خيالات كدة! 

    الماسح الضوئي للكمبيوتر


    علشان يحلوا المشكلة دى، العلماء اخترعوا اختراع عظيم و سموه Scanner (أو "الماسح الضوئي")، و اللى عبارة عن حاجة بتاخد صور نضيفة للورق و المستندات اللى عاوز تخزنها عندك على الكمبيوتر أو عاوز تبعتها لحد، أو بتنسخ لك الورق دا على ورق تاني و بالتالي يبقى عندك أكتر من نسخة من الورق دا، و يأتى السؤال: الـScanner يشتغل إزاي؟!

    الـScanner بيتكون بشكل رئيسي من حاجة اسمها CCD (أو Charge Coupled Device)، و دا بيكون
     عبارة عن جهاز زي سنسور الكاميرا بيحول الضوء لشحنات كهربية، و بعدين يبعتها للكمبيوتر بتاعك فى صورة بيانات
     رقمية (ملفات و صور و PDFـات و حبشتكنات) علشان تخزنها على الكمبيوتر أو تبعتها لأي حد انت عاوزه! 

    بس الـCCD دا مش هيعمل كل حاجة بنفسه؛ ما هو مش هيقَطَّع نفسه يعنى! 

    انواع الماسح الضوئي


    الـCCD معاه فى الشغلانة دى لمبات LED بتنَوَّر الورق اللى بتحطه فوق لوح الإزاز اللى على الـScanner،
     و مرايات مرصوصة بتتابع معين بتعكس الضوء اللى بينعكس من الورق اللى انت عاوز تصوره، و بتوصله للـCCD

    طبعًا الضوء اللى بينعكس من الورقة عمره ما بيكون بنفس الكثافة لو الورقة عليها أي نصوص أو صور أو غيره؛
     و بالتالي الضوء اللى بينعكس من النص الأصود غير اللى بينعكس من الورقة البيضاء؛ و يمكن دا بيفسر ليه لو
     فتحت الباب بتاع الاسكانر و صَوَّرت حاجة بتطلع سوداء... علشان النور بتاع الـLED مانعَكَسش على حاجة؛
    و بالتالى ماوصلش للـCCD؛ و بالتالي الـCCD بيترجم دا بإن اللى انت بتـScanـه كله أسود! 
    لكن Not all CCDs were created equal! 

    تعريف الماسح الضوئي


    عدد البيكسلات فى المستشعر بتاع الـScannerr بيتحكم فى الدقة اللى بيصور بيها الورق؛ و بالتالي بيتحكم
    فى كمية التفاصيل اللى فى الورقة؛ لذلك لو عاوز تختار Scanner كويس حاول تختار
    الأعلى فى الـHardware Resolution علشان تاخد أكبر قدر ممكن من التفاصيل، و ماتاخدش بالأرقام
     الفلكية اللى بيحطوها تحت مسميات تانية زي "Software Resolution" علشان فى الغالب بيكون
     الرقم دا أعلى من قدرة الاسكانر الفعلية

    الماسح الضوئي للاندرويد


    الكلام اللى فات دا كله بالنسبة لتصوير المستندات أبيض و أسود، لكن لو عاوز تسحب صورة أو مستند ألوان فالـScanner هيحتاج إنه يكون فيه عدسات و فلاتر أكتر علشان يقدر يتعرف على الألوان اللى فى الصورة بشكل صحيح

    كل اللى فات دا بينطبق على الـScanners اللى بتبقى عبارة عن حاجة بتحُطّ فيها الورقة على لوح إزاز
     و بتلاقى حاجات بتقعد تمشى و تروح و تيجى و كدة!

    الماسح الضوئي للايفون


    لكن الـScanners منها نوع تاني بيستخدم مستشعرات اسمها Contact Image Sensors، و دى بتكون عبارة عن صف لمبات LED و سنسور صغير نسبيًا، و إما إنك بتمشيه على الورقة أو إن الاسكانر نفسه فيه عَجَل بيمَشِّى الورقة علشان يقرأ البيانات اللى عليها، و فكرته نفس فكرة إنك تصور الورقة بموبايلك، لكن أنضف شوية 

    الـScanners اللى من نوع CIS بتكون أرخص من الـCCD، كمان بتكون أصغر فى الحجم كتير، و أوفر فى استهلاك الطاقة بشكل كبير، لدرجة إنك ممكن تشغلها عن طريق توصيلها بكيبل USB بس، و مش شرط مصدر تيار خارجي، لكن فى المقابل هتاخد جودة صور أصل من الـScanners اللى بمستشعرات CCD! 

    و بكده يكون انتهى الموضوع بتاعنا متنساش الشير الجميع بقى

    مدونة أردرويد
    @مرسلة بواسطة
    كاتب ومحرر اخبار اعمل في موقع مدونة أردرويد .

    ردد معي : ربنا اغفر لى و لوالدى و للمؤمنين يوم يقوم الحساب

    مشاهدة التعليقات

    إرسال تعليق

    تم اكتشاف مانع الأعلانات

    من فضلك قم بتعطيل أداة مانع الأعلانات أدبلوك AdBlock من المتصفح للدخول لمدونة أردرويد أو يمكنك أستخدم متصفح أخر وشكرا لك :)

    مدونة أردرويد تعتمد فقط على الأعلانات كمصدر لدخلها و هى لا تحتوى على اعلانات منبثقة او مزعجة لذلك نرجو منك تفهم الأمر بدون أنزعاج وشكرا لك :)

    ×