مميزات و عيوب و ازاى تشترى باور بانك و ميتنصبش عليك ؟

مميزات و عيوب و ازاى تشترى باور بانك و ميتنصبش عليك ؟

    ازاى تشترى باور بانك و ميتنصبش عليك

    سوف تتعرف اخى الفاضل فى هذا الموضوع على كل ما يخص الباور بانك مميزات الباور بانك و عيوب الباور بانك و احجام الباور بانك و كيفية الحفاظ على بطارية الباور بانك ليعيش معك لفترة طويلة جدا فى كثير من الأوقات قد تسافر إلى اماكن طويلة بالطبع الصديق الوحيد لك فى السفر هوا هاتفك لذلك تريد ان يعمل هاتفك طوال الوقت اذا انت الأن تحتاج إلى البطارية الأحتياطية او ما تسمى باور بانك ..

    مميزات الباور بانك - عيوب الباور بانك - معلومات حول باور بانك

    مميزات الباور بانك


    بسم الله الرحمن الرحيم

    طبعا فى البداية لازم نتكلم عن مميزات الباور بانك لو تفتكر زمان كده أيام الموبايلات النوكيا ، كان ممكن الموبايل يقعد معاك بالأسبوع من غير ما يجوع ولا يطلب منك تشحنه لكن دلوقتي موبايلك لو قعدت بيه كام ساعة علي بعض من غير ما تشحنه هيقول : (البطارية منخفضة)

    قبل ما نبدا فى الموضوع هقدم ليكم مجموعة من المواضيع المهمة على مدونتنا




    لذلك تم أختراع الـ Power Bank ، بالعربي ( مخزن الطاقة ) مش من رأيك إن Power Bank أشيَك في نُطقها ؟  
    ولو مسمعتش بالباور بانك قبل كده ، أو ما أتعرفتش عليه في أي chat room قبل كده  فهوا عبارة عن بطارية بتشحنها علشان تشحن موبايلك بيها لو هتخرج ومش هتكون متوفر علي فيَش كهرباء لفترات طويلة ..
    قبل كده جبت باور بانك كان بيكفيني أزيد من أسبوع كامل بشحنَة واحدة 

    * ممكن حد يقول : طيب ما أنا أشتري لي بطارية تانية إضافية لموبايلي أو Battery Case
     -ودى صورة توضيحيه ليها

    مميزات الباور بانك - عيوب الباور بانك - معلومات حول باور بانك


    عيوب الباور بانك

    و زى ما اتكلمنا عن مميزات الباور بانك لازم نتكلم عن عيوب الباور بانك لكن بعد ما نكمل الفقرة اللى جاية دى 

    اذا نرجع نكمل الموضوع السابق 

    - أقول له : لاء يا أذكي الناس إلا في مُجادلتي 

    لأن أنتا لو أشتريت بطارية لموبايلك هتبقي مناسبة لموبايلك أنتا بس ، يعني مينفعش تشحن بيها موبايل تاني +
    أنك ممكن يكون موبايلك بطاريتة مش بتتشال أساساً ( Non-Removable Battery ) 

    وأغلب الموبايلات برضو ملهاش Battery Case "جراب بيشحن الموبايل" لذلك هيبقي الحل الوحيد اللي قدامك 
    هوا أنك تشتري لك Power Bank اللي بدوره هيشحن لك كل أجهزتك علي حدٍ سواء ..

    - طيب أشتري Power Bank مُناسب ليا إزاي ؟! 

    = وأنتا بتختار باور بانك لازم تاخد بالك من كذا حاجه أولهم :

    • سعة Power Bank :

    الباور بانك زي ما قلنا عنه أنه عبارة عن بطارية بتتشحن ، فالبطارية دي بتتقاس سِعتها بحاجه أسمها mAh اللي هيا مللي أمبير كل ساعة - milliampere hour ، ودي اللي بتحدد سعة الباور بانك ده اللي بالتالي من خلالها تقدر تقيَّم الباور بانك ده ممكن يديك كام دورة شحن ..

    يعني كمثال لو إن بطارية موبايلك 2000 mAh متروحش تجيب باور بانك 2500 mAh !  لازم علي الأقل الباور بانك اللي هتجيبه يكفيك دورتين شَحن ، فـ أقل تقدير أنك تجيب باور بانك 5000 mAh ..

    * فيه نقطة لازم تاخد بالك منها ! وهيا إن النسبة اللي مكتوبة علي الـ Power Bank مبتبقاش دقيقة 100% .. بمعني .. أنك لو جيت باور بانك 10000 mAh وبطارية موبايلك 2000 mAh فمعني كده أنه مش هيشحنهالك 5 دورات شحن متواصلين ! فيه كمية طاقة بيتم فقدها بسبب عدة عوامل ، وأغلب الـ Power Bank دي هتلاقي أن كمية الطاقة اللي بتديهولك حوالي 90% من اللي مكتوب عليها ، وبعض الشركات اللي بتحترم نفسها بتبقي كاتبة الكلام ده علي كرتونة الباور بانك .. يعني متجيبش واحد 10000 mAh مثلاً وتتوقع أنك ممكن تشغَّل التلاجة من عليه لما الكهرباء تقطع ..

    • مخارج الباور بانك الـ OutPut :


    أغلب الباوربانكات ( جمع Power bank ) بييجوا بمخرج Output 1 أمبير ، وده مناسب لشحن أغلب الموبايلات بمختلف سِعات بطارياتها ، أو بمخرج Output 2 أمبير وده مناسب أكتر لشحن التابلت والأيباد وبرضو بيشحن معظم الموبايلات اللي بطارياتها كبيرة .. 

    وعلشان تعرف جهازك إيه موقفه من التجنيد  ويناسبه الـ 1 ولا 2 أمبير فـ أبسط طريقة هيا أنك تقرأ الـ OutPut بتاع الشاحن قد إيه ، وهتلاقي في التعليقات صورة بتوضح النقطة دي ..
    ..

    • افضل شركات باور بانك :


    خلينا متفقين إن أغلب أكسسوارات الموبايلات اللي في المحلات هتلاقيها صيني  لكنك لو أشتريت باور بانك من أي شركة محترمة بتحترم نفسها هيشتغل معاك كويس ..
    أو لو أشتريت من Amazone هتلاقي ماركات نضيفة جداً وعندك كمثال شركات زي : 
    Oraimo
    Anker 
    Xiaomi
    One Plus
    Romos
    Samsung
    Remax


    مميزات اخرى موجودة فى الباور بانك ..

    - فيه تقنية أسمها الـ Power IQ ودي بتخلي الباور بانك يحسب موبايلك محتاج قد إيه طاقة وعلي أساسه بيشحن موبايلك .. ودي بتريحك من أنك تشوف هل فتحة الباور بانك دي 1 ولا 2 أمبير وهل مناسبة لشحن موبايلك ولا لاء والكلام ده كله .. االتقنية دي موجودة بكثرة في موديلات شركة Anker اللي بتتباع بأسعارغاليه


    - أغلب الـ power Bank بيبقي فيه أضافات زي كشَّاف Led علشان تستخدمه مثلاً لمّا الكهرباء تقع ، أو بيكون فيه شاشة صغيرة تعرض لك كمية الطاقة اللي موجودة في الـ Power Bank ، وفيه تانيين بيكونوا ضد الأتربة أو الصدمات اللي هوا للعمل الشاق وكده وللناس اللي بيـ Camping دول أو بيستخدموه في الشغل أو الخناقات وفيه Power Banks 

    الشركات بتوفر له Cover علشان يوفروا حماية للباور بانك ، زي Xiaomi كده ..

    - حاجة كمان لازم تاخد بالك منها وهيا أنك كل ما تختار Power Bank سِعَتُه أعلي ، 
    وسعرُه أغلي ، حجمُه هيكون أكبر ، وبالتالي وزنُه أتقَل 

    يعني لو أنتا مش بتطوّل في خروجاتك وآخرك كام ساعة برّه البيت وترجع تاني فمتجيبش أعلي من 10000 mAh .. نهااائي 

    قبل كده جبت باور بانك Romos كان علي ما أذكر حوالي 18000 mAh ، لكن وَزنُه كان نُص كيلو بحاله ، اللي هوا ممكن تتخانق بيه حاول وأنتا بتشتري Power Bank تستنضَف هيريحك مستقبلاً ، وهيحافظ علي عمر بطارية موبايلك الأفتراضية ، ومش هيسبب حرائق زي ما بنسمع عن الشحن بأجهزة ركيكة ، وكمان لو فكرت تبيعه بعدين سعره مش هيكون أتنسف ..

    مدونة أردرويد
    @مرسلة بواسطة
    كاتب ومحرر اخبار اعمل في موقع مدونة أردرويد .

    ردد معي : ربنا اغفر لى و لوالدى و للمؤمنين يوم يقوم الحساب

    1. أحسنت أخي الكريم
      اسلوب لطيف ونقاط واضحة

      ردحذف
      الردود
      1. اتمنى ان يعجبك الموضوع يا غالى و قدم لك معلومة مفيدة

        حذف

    تم اكتشاف مانع الأعلانات

    من فضلك قم بتعطيل أداة مانع الأعلانات أدبلوك AdBlock من المتصفح للدخول لمدونة أردرويد أو يمكنك أستخدم متصفح أخر وشكرا لك :)

    مدونة أردرويد تعتمد فقط على الأعلانات كمصدر لدخلها و هى لا تحتوى على اعلانات منبثقة او مزعجة لذلك نرجو منك تفهم الأمر بدون أنزعاج وشكرا لك :)

    ×