8107339487713063
recent
أخبار ساخنة

شرح كامل لكل مستشعرات الهواتف (السنسور)

الخط

شرح كامل لكل مستشعرات الهواتف (السنسور)



بسم الله الرحمن الرحيم


إيه الـ Sensors دي ؟ وبتعمل إيه لموبايلك ؟!

لما بتعمل مكالمة وبترفع موبايلك علي وِدنك الشاشة بتتفصل لوحدها ! و لمّا بتمسك موبايلك بالعرض الشاشة
 بتتلَف بالعرض لوحدها 

طب سألت نفسك ايه اللى بيعمل كدا او ازاى الموبايل عرف انك قربت من الشاشة وقت المكالمة يفصلها 
و ازاى بردو عرف انك لفيت الموبايل يروح عادل ليك الشاشة ؟
فى الموضوع ده ان شاء الله هشرحلك كل مستشعرات الهواتف الذكية

حساس القُرب (  Proximity Sensor) :


حساس موجود في الموبايلات بدايةً من أصدار 1.5 ، المستشعر ده فيه مُذبذب إشارات بيحس بأقتراب أي جسم منه عن طريق موجات بيبعتها للجسم ، فلما الموجات دي بتصطدم في جسم وترجع له تاني بيقوم " فاتح " أو " قافل " دائرة كهربائية زي الشاشة كمثال ..


لذلك لما بتتصل بحد وبترفع الموبايل علي وِدنك الشاشة بتنطفي تلقائياً علشان تمنع بشرة حضرتك 
 من إنها تعمل أمر لو لمست الشاشة وهيا شغاله .. فالشاشة بتنطفي خوفاً من جبروت بشرتك الطاغية


مستشعر الاضاءه (Ambient Light Sensor) :


من غير مصطلحات ملهاش لزمه إنك تعرفها ، ومن الأخر كده الحساس ده بيقيس قوة الإضاءة المُحيطة

 بيك في المكان اللي أنتا موجود فيه ، وبُناءً عليها بيزوَد أو يقلل قوة سطوع الشاشة .. وصلت كده 
عارف أختيار الـ ( Auto Brightness ) أهوا هوا ده السينسور بتاعه بقي اللي بيعَلي الأضاءة أو يقللها أوتوماتيك 


حساس الإيماءات ( Gesture Sensor ) :


الحساس ده عن طريقه بتعمل بإيدك ( إيماءة - Gesture ) معينه بتكون متسجله علي التليفون قبل كده إنها لما تعملها الموبايل ينَفذ أمر معين .. مش فاهم ؟ 


أنتا بتعمل بإيدك إيماءة " من إيماءات كتير " قدام التليفون والتليفون بيقرأها وبيعمل لك وظائف زي قفل أوفتح الموبايل عن طريق حركة بإيدك من غير ما تلمس الموبايل ، التحكم في معرض الصور وتقلّب في الصور من بعيد من غير ما تلمس الشاشة ، أو تتحكم في مشغل الموسيقي زي التقليب بين الأغاني وتجيب السابق أو التالي أو تعمل
 ( Pause - إيقاف ) للأغاني ، ووظائف وإيماءات تانية كتير أوي 


حساس التسارع ( Accelerometer ) :


حساس أساسي في أي موبايل بدايةً من أندرويد 1.5 ، وظيفة معاليه إنه لما بتكون مفعّل أختيار 

( Auto rotation ) بيعرف أنتا ماسك الموبايل في أنهي وضع بالطول ولا العرض ؛
وبيعدل لك الشاشة علي الوضع ده 


حساس تحديد الاتجاه ( Gyroscope ) :


طالما ذكرنا حساس التسارع يبقي لازم ييجي بعده الچيروسكوب لأن وجودهم بيكمل بعض 

لأن الچيروسكوب بيقيس حركة الموبايل من خلال الزوايا عن طريق تحديد موقعه عبرالـ 3 محاور ( X و Y و Z ) ..
المهم بقي .. لما بيجتمع هوا وحساس التسارع بيكسروا الدنيا وبيخلوا موبايل يشغّل تقنية الواقع الأفتراضي ..



متعرفش إيه الواقع الأفتراضي ؟ طيب أستني محمد ياسر هيكتب عنه منشور بكره 

البوصلة ( Compass ) :


الحساس ده هوا المستشعر الأساسي اللي بتعتمد عليه البوصلة في تحديد الأتجاهات الأربعة ..

وبيساعدك إنك تقدر تحدد أتجاه القبلة بموبايلك علشان لو الأيمان حَل عليك وحبيت تصَلي يعني ولا حاجه 



مستشعرات اخرى




- مستشعر مقياس نبضات القلب ( Heart Rate Sensor ) :

الحساس ده بقي ليه أستخدام طبي أكتر منه تقني لأنه بيقيس لك نبضات قلبك عن طريق بعض الموجات .. 
المستشعر ده مش موجود في الموبايلات من الفئات السعرية المتوسطة .. لاء ده بتاع أثرياء القوم 
.



- مستشعر الرطوبة ( Air Aumidity ) : 

حساس موجود في بعض الأجهزة الحديثة ، بيقيس نسبة الرطوبة في الجو .. 
شفت ملوش لزمه إزاي ! حتي مكتبتش عنه غير سطرين 
.
- الباروميتر ( Barometer ) :

وده حساس بيُستخدم علشان يقيس الضغط الجوي ، والتنبؤ بأي تغيُرات ممكن تحصل في الجو ودرجات الحرارة

.



عداد الخطوات ( Pedometer ) : 

ده أسمه ( بيدو ميتر ) غير ( بارو ميتر ) علشان الناس اللي بيتلخبطوا

المهم .. ده من أسمه باين أنه بيحسب لك عدد الخطوات اللي حضرتك بتمشيها بيحسبها بدقة عالية كمان .. 
موبايل Nexus 5 اللي علوضعه فيه الحساس ده مُدمج فيه

ليست هناك تعليقات
إرسال تعليق

إرسال تعليق

تذكر قوله تعالى
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ )) ‏

الان يمكنك اضافة اي مقطع فيديو الى التعليقات وايضا اضافة الصور فقط ضع رابط الصور او مقطع الفيديو في التعليقات

آرائكم تسعدنا، لمتابعة التعليق حتى نرد عليك فقط ضع إشارة على إعلامي

نموذج الاتصال
الاسمبريد إلكترونيرسالة

تم اكتشاف مانع الأعلانات

من فضلك قم بتعطيل أداة مانع الأعلانات أدبلوك AdBlock من المتصفح للدخول لمدونة أردرويد أو يمكنك أستخدم متصفح أخر وشكرا لك :)

مدونة أردرويد تعتمد فقط على الأعلانات كمصدر لدخلها و هى لا تحتوى على اعلانات منبثقة او مزعجة لذلك نرجو منك تفهم الأمر بدون أنزعاج وشكرا لك :)

×