-->
U3F1ZWV6ZTEwOTc2NjM5NDkwX0FjdGl2YXRpb24xMjQzNTAxODM2NjQ=
recent
أخبار ساخنة

قنوات اليوتيوب بتكسب ولا لأ ؟

قنوات اليوتيوب بتكسب ولا لأ ؟



بسم الله الرحمن الرحيم


مجاش في بالك قبل كده تسأل نفسك لو فيديو علي أي قناة حقق لصاحبه 100 ألف أو 500 ألف أو 1000000 مشاهدة صاحب الفيديو ده بيكسب قد إيه؟  أكيد إنتا لو شُفت فيديو حقق الأرقام دي بتقعد تحسد في صاحب القناة زي
 ما بتقعد تحسد في المُدَرِس وتعِد هوا عندُه كام طالب في المجموعة وبيقبض كام كل شهر! متنكرش! 

طيب.. السؤال ده جميل جداً وهنجاوب عليه
 

* الأول لازم تكون عارف إن اليوتيوبرز بياخدوا فلوسهم من Adsense مش من اليوتيوب نفسه! وسيولة اليوتيوب
 نفسه من Adsense وAdsense أساساً ولَّد لجوجل ملايين الدولارات اللي هوا معظم دَخل جوجل!
، و Adsense ده منتج عظيم من منتجات الذكاء الأصطناعي، محدش يقدر يغِشُه وعنده طريقة معقدة جداً
 لتوليد الإعلانات ودَفع الفلوس للناشر أو مُقدم المحتوي بأستخدام حاجة أسمها CPM
 أختصاراً لـ (Cost Per Thousand) التكلفة لكل ألف ظهور.. الـCPM ده بتكون قيمته مُحددة وبتتحاسب عليها..
 بمعني لو كانت الـ CPM = 1$ يبقي إنتا هتاخد دولار واحد لكل ألف واحد الإعلان هيظهر له، والـ CPM دي
 قيمتها بتختلف وممكن تكون بدايةً من سِنت $0.1 لغاية 10 دولار $10.. كلُه بيتوقف علي نوع المحتوي
اللي بتقدمه سواء كان محتوي تعليمي، ترفيهي، .. إلخ..

والـ CPM غالباً بيكون في متوسط 7.6$، وده معناه إنك هتاخد سبعة دولار ونُص علي كُل ألف مشاهدة 


طيب.. تعالوا نحسد الناس أصحاب القنوات الكبيرة شوية ونحسب الناس دي بتكسب كام علي
 كل كام ألف مُشاهدة لو كان الـ CPM دولار واحد بس 

- 1.000 مشاهدة = 1$
- 10,000 مشاهدة = 10.0$
- 100,000 مشاهدة = 100.0$
- 1,000,000 مشاهدة = 1000.0$
- 10,000,000 مشاهدة = 10,000.0$
- 100,000,000 مشاهدة = 100,000.0$
- 1,000,000,000 مشاهدة = 1,000,000.0$

طيب .. تعالي نعمل حِسبَة بسيطة لو كان صاحب القناة دي محظوظ وكان الـ CPM بتاعُه 7$ 
- 1,000 مشاهدة = 7.0$
- 10,000 مشاهدة = 70.0$
- 100,000 مشاهدة = 700.0$
- 1,000,000 مشاهدة = 7000.0$
- 10,000,000 مشاهدة = 70,000.0$
- 100,000,000 مشاهدة = 700,000.0$
- 1,000,000,000 مشاهدة = 7,000,000.0$ متخيل الرقم يا مان؟ 


* فيه كام نقطة لازم تاخد يكونوا في الأعتبار  

- مش كل فيديو هيكون عليه إعلانات، Adsense بيختار الإعلانات بشكل عشوائي وفي بعض الأوقات
 مبيبقاش فيه إعلانات علي الفيديوهات أساساً 

- أغلب المستخدمين عندهم علي المُتصفح AD-blocker بيمنع الإعلانات من الظهور،
وده طبعاً بالنسبة لـ اللي بيستخدموا الكمبيوتر 

- نُص المشاهدات اللي بتجي بتكون من الموبايلات، وده ممكن يكون لأنهم بيستخدموا تطبيق يوتيوب الرسمي اللي
 بيعرض لهم الإعلانات قهراً 
لسه مش مصدّق الأرقام اللي فوق دي؟  خليك معايا وهضرب لك
 أمثلة حية لناس عملوهم علي قلبهم قااااااد كده 

- واحد أسمُه (بارك جاري سانج) صاحب قناة Psy نشر فيديو بأسم Gangnam Style، في 2013
 الفيديو حقق 1,000,000,000 مشاهدة، وجاب لُه دّخل قّدرُه 7,900,000.0 دولار!
 الـ CPM بتاعُه وقتها كان 7.9$ وده شيء عظيم طبعاً!  

- شاب تاني عنده 27 سنة أسمه (فيلكس أرفيد أولف) صاحب قناة إسمها PewDiePie البرنس ده مبيعملش
 حاجة غير إنُه بيلعب ألعاب الفيديو ويعلّق عليها بس بطريقة كوميدية، ثروتُه تُقدّر
 بحوالي 12,000,000 دولار، من ألعاب فيديو بيلعبها! 


أمثلة اليوتيوبرز اللي حققوا ملايين من اليوتيوب كتير جداً، سواء كانت فيديوهاتهم دي مفيدة أو مش
 أكتر من كونها للترفية، أنتا نفسك ممكن تبدأ وتعمل قناتك الخاصة بيك بشرط إنك تقدم محتوي نضيف
 متعوب عليه مش مجرد تقليد أعمي لحد تاني، ومع الشغل والإصرار هتوصل لإن قناتك هيا اللي تصرف عليك..

أعمل سبسكرايب للقناة الخاصة بالمدونة بتاعتنا بقى و يارب يكون الموضوع عجبكم

لينك القناة : 


إذا لم تعمل سبسكرايب فأعلم أن الشيطان هو الذى منعك 

ليست هناك تعليقات
إرسال تعليق

إرسال تعليق

تذكر قوله تعالى
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ )) ‏

الان يمكنك اضافة اي مقطع فيديو الى التعليقات وايضا اضافة الصور فقط ضع رابط الصور او مقطع الفيديو في التعليقات

آرائكم تسعدنا، لمتابعة التعليق حتى نرد عليك فقط ضع إشارة على إعلامي

الاسمبريد إلكترونيرسالة

تم اكتشاف مانع الأعلانات

من فضلك قم بتعطيل أداة مانع الأعلانات أدبلوك AdBlock من المتصفح للدخول لمدونة أردرويد أو يمكنك أستخدم متصفح أخر وشكرا لك :)

مدونة أردرويد تعتمد فقط على الأعلانات كمصدر لدخلها و هى لا تحتوى على اعلانات منبثقة او مزعجة لذلك نرجو منك تفهم الأمر بدون أنزعاج وشكرا لك :)

×