كل ما تود ان تعرفه حول البروكسى سيرفر Proxy Server

كل ما تود ان تعرفه حول البروكسى سيرفر Proxy Server

    كل ما تود ان تعرفه حول البروكسى سيرفر Proxy Server



    بسم الله الرحمن الرحيم


    لاحظت إن كل تيرم لازم تلاقى سيرفر النتيجة بيقع بعد ما يقولوا إنها ظهرت على طول! لذلك كان من الأسئلة المحيرة جدا..
     ليه موقع الكلية اللى عليه النتيجة بيقع لو 240 واحد زي دفعتنا دخلوا عليه، و موقع زي فيسبوك
    اللى عليه أد العدد دا حوالي 10 مليون مرة مبيقعش؟!

    بغض النظر طبعا عن إن سيرفرات كل جامعات مصر أقدم من الاتحاد السوفييتي.. بس الموضوع له
    علاقة بنوع معين من السيرفرات اسمه سيرفرات الـProxy... و البروكسى دا أنواع..

    أو بالأخص 3 أنواع رئيسية، كل واحد فيهم ليه وظيفة محددة و بيشتغل بطريقة معينة:

    - أول نوع هو البروكسى المفتوح (Open Proxy):
    و النوع دا كل وظيفته انه يتخطى حظر مواقع معينة عن طريق إضافة الدومين بتاعهم قبله. بمعنى تانى..
     لو انت عندك (على سبيل المثال) موقع زي فيسبوك ممنوع فى بلدك؛ هتروح لموقع بروكسى هيدخلك على صفحة اسمها مثلا
    Proxy.com/Facebookو دا الغرض منه بس إنه يفتح موقع معين بدومبن تاني علشان
     لو الدومين بتاع الموقع اللى انت بتفتحه محظور فى بلدك ولا حاجة...
    و بتعدد مواقع البروكسى محدش قدر يحجبها، لأنها باختصار كتير جدا، و كل يوم بيظهر مواقع جديدة بأسماء جديدة.

    النوع التاني اسمه Forward Proxy:

    و دا بيبقى سيرفر تبع الويبسايت اللى انت بتدخل عليه نفسه، و وظيفته انه بيبقى وسيلة توصلك بالموقع اللى
     انت عاوز توصله، و معظم (إن لم يكن كل) المواقع الكبيرة و سيرفرات الألعاب بتعتمد على النوع دا من
     السيرفرات البروكسى علشان تخفف الضغط على سيرفراتهم الرئيسية اللى عليها المحتوى الأصلى اللى
    انت عاوز توصله 
    متوقع دلوقتى انك عرفت ليه سيرفر النتيجة بيقع و الفيس مبيقعش.. ابقى قولى فى الكومنتات 

    النوع التالت بقى اسمه البروكسى العكسي (Reverse Proxy):

    و دا بيبقى معمول بحيث يتعامل كويبسايت كامل، و العلاقة بينك و بينه بتتم بشكل مباشر حتة
    من غير الرجوع للسيرفر الأصلي (أبسط مثال لكدة سيرفرات المواقع الإخبارية زي BBC و Sky News
     و غيرهم، اللى بتعرض على سيرفرات الشرق الأوسط محتوى مختلف كليا عن
    اللى بتعرضه فى أمريكا مثلا أو فى الهند أو الصين)

    طيب بعد اللك و الهرى الكتير دا، إيه فوايد البروكسى؟

    - البروكسى المفتوح فايدته انت بتدور عليها، و هى إنه بيفتح محتوى محجوب عنك
     أو موقع انت مش قادر توصل له

    - مين بقى اللى منع اللى البروكسى المفتوح بيجيبه؟ صح.. بروكسى تانى  يبقى من فوايده برضو إنك
     تتحكم فى المحتوى اللى بتوصله لحد معين، أو تتحكم فى الناس اللى بتستقبل المحتوى بتاعك

    - تخفيف الضغط على السيرفر الرئيسي

    - حماية البيانات الأصلية المتخزنة على السيرفر الرئيسي؛ لذلك نادرا ما بتسمع عن اختراق السيرفرات
     الرئيسية لموقع فيسبوك مثلا أو تويتر أو كدة.

    - بيضمن تصفح أسرع و أداء أسرع للإنترنت عندك لما بتوصل على سيرفر قريب منك
    (زي اللى بيلعبوا ألعاب Online لما بيسجلوا على سيرفرات أوروبا مثلا لو ملقوش سيرفرات للشرق الأوسط..
     مش سيرفرات أمريكا مثلا...)

    - الترجمة: ممكن تحط نفس المحتوى بلغات مختلفة على سيرفرات مختلفة (زي موقع Facebook
     اللى بيسمح لك تتصفحه بجميع اللغات الحية اللى خلقها ربنا وتشوف نفس المحتوى)

    - تأمين البيانات: بياناتك على الفيس مثلا بتكون محمية و محفوظة على سيرفر بروكسى علشان توصلها بسرعة و سهولة و محدش غيرك يعرف يوصلها



    مدونة أردرويد
    @مرسلة بواسطة
    كاتب ومحرر اخبار اعمل في موقع مدونة أردرويد .

    ردد معي : ربنا اغفر لى و لوالدى و للمؤمنين يوم يقوم الحساب

    مشاهدة التعليقات

    إرسال تعليق

    تم اكتشاف مانع الأعلانات

    من فضلك قم بتعطيل أداة مانع الأعلانات أدبلوك AdBlock من المتصفح للدخول لمدونة أردرويد أو يمكنك أستخدم متصفح أخر وشكرا لك :)

    مدونة أردرويد تعتمد فقط على الأعلانات كمصدر لدخلها و هى لا تحتوى على اعلانات منبثقة او مزعجة لذلك نرجو منك تفهم الأمر بدون أنزعاج وشكرا لك :)

    ×