-->
U3F1ZWV6ZTEwOTc2NjM5NDkwX0FjdGl2YXRpb24xMjQzNTAxODM2NjQ=
recent
أخبار ساخنة

ما معنى كلمات IP-68 و IP-58 اللى دايما بتلاقيها مكتوبه فى امكانيات الموبايل ؟

ما معنى كلمات IP-68 و IP-58 اللى دايما بتلاقيها مكتوبه فى امكانيات الموبايل ؟


بسم الله الرحمن الرحمي

فى الغالب إنك قرأت أو سمعت كلمة IP-68 و متعرفش معناها.. عادى يعنى.. محدش فى الدنيا دى فاهم كل حاجة.. المهم.. يعنى إيه أصلا IP دى؟ و إيه معنى الرقم اللى جنبها دا عدم المؤاخذة؟ 
أولا: IP دى اختصار لـIngress Protection Rating (أو مؤشر الحماية العالمي)
ما علينا من الإسم العربي دا خالص المهم إن دا مقياس لحماية المنتجات المختلفة ضد الظروف الصعبة زي دخول
المواد الصلبة اللى زي الأتربة و الرمال و الحاجات دى، و دخول المياه جوا الجهاز اللى فى إيدك دا
--
بالنسبة للأرقام.. فالرقمين اللى جنب بعض دول كل واحد منهم بيرمز لحاجة:
الرقم اللى على الشمال:

- بيرمز لمقاومة الجهاز لدخول المواد الصلبة زي الأتربة و الحاجات دى
- بيتدرج من 0 لـ6، و كل رقم من دول بيرمز لمستوى معين من حماية المكونات الداخلية من الحاجات الصلبة.
. - الرقم 0: معناه إن المكونات الداخلية قاعدة فى الشارع بعيالها 
و إن أي حاجة ممكن توصلها و تأثر عليها (زي سلك الكهربا العريان مثلا)

 الرقم 1: معناه إن الحاجة مبتعديش الأجسام الأكبر من 50 ملليمتر، و دى بتوفر حماية ضد الأجسام الكبيرة زي كف الإيد مثلا (عارف الشبكة اللى بتبقى على المروحة؟ ممكن تعدى إيدك منها؟) بس لو حاولت شوية ممكن توصل للمكونات دى بسهولة

رقم 2: مبتعديش الأجسام الأكبر كمن 12.5 ملليمتر (زي صوابع معاليك مثلا) 

 رقم 3: معناه إن الجهاز مبيسمحش بوصول الحاجات الأكبر من 2.5 ملليمتر زي السلوك التخينة و المفكات و الحاجات دى

 رقم 4: معناه إن التقفيل مبيسمحش بمرور الحاجات الأتخن من 1 مم (زي السلوك الرفيعة و الحاجات دى)

لاحظ معايا إن الأربع مستويات دول بيعدوا الحاجات الرفيعة زي الأتربة و الشعر و الحاجات دى 

 رقم 5: معناها إن الحاجة دى بتكون مقاومة للأتربة و الغبار.. بس مش معنى كدة إن التراب مبيدخلش إطلاقا يعنى
 لكن الجهاز بيكون مصمم إنه ميدخلش تراب.. و الله لو دخل يبقى لا يكلف الله نفسا إلا وسعها يعنى 
بس مع ذلك بيعملوا احتياطاتهم علشان التراب لو دخل ميعملش تلميس ولا حاجة فى الدواير الكهربية و الحاجات الدقيقة

  رقم 6: معناه إن تقفيل الجهاز مبيسمحش بمرور التراب ولا الهوا أصلا من خلاله؛ و بالتالى بيوفر حماية كاملة من الأتربة
و الأجسام الصلبة (باختصار كدة.. ضد الأتربة و الغبار)
---------

أما الرقم التانى اللى على اليمين
بيمثل مقاومة الجهاز لوصول السوائل للمكونات الداخلية
 بيتدرج من 0 لـ8 (مش 6)

 الرقم 0: كالعادة معناه إن الحاجة بتبقى سداح مداح
و أي نقطتين مياه بيوصلوا للمكونات الداخلية

 الرقم 1: معناه إن تقط المياه لو نزلت عمودية على التقفيل مبتدخلش للمكونات الداخلية (عارف الشمسية)

 لو الرقم 2: التقفيل بيكون مقاوم لنقط المياه لو نزلت بزاوية لغاية 15 درجة (شمسية طويلة :D)

 لو الرقم 3: التقفيل مبيسمحش بمرور نقط المياه لو نزلت بزاوية لغاية 60 درجة.. زي الاسبراي مثلا، و دى بيكون فيها الجهاز جوا الكفر أو التغليف بتاعه غالبا (لو الدنيا مطرت على سلحفاة مثلا هيدخلها مياه؟

 رقم 4: المفروض إن الجهاز بيكون مفاوم لطرطشة المياه من أي زاوية و بأي كمية

 رقم 5: التقفيل الخارجي للجهاز مبيعديش مياه حتى لو طالعة تحت ضغط
(زي الخرطوم لو ضغطت على طرفه مثلا) لكن لغاية حد معين

رقم 6: زي اللى قبله بالظبط، بس بيستحمل ضغط أكبر للمياه اللى بترشها

رقم 7: التقفيل الخارجي مبيدخلش مياه حتى لو حطيت الجهاز فى المياه على عمق متر لمدة معينة و تحت ظروف معينة

 رقم 8: نوت 7 
دا معناه إن الجهاز اللى معاك مش هيدخل مياه حتى لو حطيته على أعماق كبيرة لمدة طويلة، و حتى لو المياه دخلت من بعض الفتحات (زي السماعات و الميكروفونات و منافذ السماعات و الـUSB) فالجهاز مصمم بحيث المياه دى متأثرش عليه 
---------

المفروض إن أي جهاز بيكون ليه IP Code بيحدد الحاجات دى، و بيتكون من رقمين من دول جنب بعض

ليست هناك تعليقات
إرسال تعليق

إرسال تعليق

تذكر قوله تعالى
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ )) ‏

الان يمكنك اضافة اي مقطع فيديو الى التعليقات وايضا اضافة الصور فقط ضع رابط الصور او مقطع الفيديو في التعليقات

آرائكم تسعدنا، لمتابعة التعليق حتى نرد عليك فقط ضع إشارة على إعلامي

الاسمبريد إلكترونيرسالة

تم اكتشاف مانع الأعلانات

من فضلك قم بتعطيل أداة مانع الأعلانات أدبلوك AdBlock من المتصفح للدخول لمدونة أردرويد أو يمكنك أستخدم متصفح أخر وشكرا لك :)

مدونة أردرويد تعتمد فقط على الأعلانات كمصدر لدخلها و هى لا تحتوى على اعلانات منبثقة او مزعجة لذلك نرجو منك تفهم الأمر بدون أنزعاج وشكرا لك :)

×